اسلام آباد۔24جون (اے پی پی):اسلام آباد ہائیکورٹ ءَ پیسریگیں مزن وزیر نواز شریف ءِ ایوان فیلڈ ءُ العزیزیہ ریفرنسز ءَ اپیل آناں ھارج کت۔ پنچ شمبے ءِ روچ ءَ اسلام آباد ہائیکورٹ ءِ دو باسکی بینچ جسٹس عامر فاروق ءُ جسٹس محسن اختر کیانی ءَ ھواریں دو ڈویژن بینچ آں گوستیں روچ ءَ داتگیں پیسلہ گوشدارینت ءُ پیسریگیں مزن وزیر نواز شریف ءِ اپیل ءَ را ھارج کت۔ 16 تاکدیم آنی سرجمیں پیسلہ ءَ را نبشتہ کنگ بوتگ کہ پیسریگیں مزن وزیر محمد نواشریف پیسر ءَ چہ آمید گس آں باگی نامینگ بوتگ، نوازشریف ءِ باگی بوھگ ءِ سبب ءَ دزبندی ھارج کنگ ءِ مٹ ءَ دگہ اچ آپشن نیست۔ سرجمیں پیسلہ ءَ گوشگ بوتگ کہ نواز شریف ءِ سزا برجا اَنت، نوازشریف واپس بئیت یا گرگ بہ بیت گڈا اپیل برجائی ءِ دزبندی ءَ داست کُت کنت۔ اسلام آباد ءِ کیاسگری آمید گس ءَ پیسریگیں مزن وزیر نواز شریف ءَ را سزا داتگ بوتگ، کیاسگری آمیدگس ءَ ایوان فیلڈ ریفرنس ءَ نواز شریف ءَ را 10 سال ءُ العزیزیہ ریفرنس ءَ 7 سال ءِ سزا داتگ بوتگ۔
