اسلام آباد۔ 24جون (اے پی پی) اسپیکر قومی اسمبلی اسد قیصر قومی اسمبلی ٹی کانود سازی کن غٹ پارلیمانی پارٹی تا راہشون تا سلابت اٹ کانود سازی کمیٹی اس جوڑ کرینے۔ قومی اسمبلی سیکرٹریٹ نا رداٹ کمیٹی تینا ٹی اوآرز ءِ وقتا فوقتا اودے مون تروک آ باندات آتا بابت تینٹ طے کیک و تینا سلاہ و سوج آتے اسپیکر قومی اسمبلی ءِ پیش کیک۔ کمیٹی ٹی وزیر دفاع پرویزخٹک، بنجائی وزیر ڈٹ بندی اسدعمر، بنجائی وزیر ہاؤسنگ طارق بشیر چیمہ، بنجائی وزیر بین الصوبائی رابطہ ڈاکٹر فہمیدہ مرزا، وزیراعظم نا سلاہکار پارلیمانی امور ڈاکٹر بابراعوان، خالد مقبول صدیقی، خالدمگسی حکومت و سیوتی تا کنڈآن نمائندگی کیرہ۔ اپوزیشن نا کنڈآن مسکوہی وزیراعظم شاہدخاقان عباسی، سردار ایاز صادق، رانا ثناء اللہ، شاہدہ اخترعلی، سید نوید قمر، شازیہ مری و آغاحسن بلوچ ءِ کمیٹی ٹی اوار کننگانے۔
