اسلام آباد۔ 24جون (اے پی پی) پاک فضائیہ نا سروک ایئر چیف مارشل ظہیر احمد بابر سدھونیشنل ڈیفنس یونیورسٹی اسلام آباد نا دورہ ءِ کرے و کورس اٹی بشخ ہلوک آتیان تران کرے۔ ساڑی مروک آتیان تران اٹی ایئرچیف نیشنل ڈیفنس یونیورسٹی تروک آ تعلیم و تربیت نا آب انا ستاءِ کرے۔ سلامتی نا ساڑی آ چیلنج و تکنیکی پوسکنی آ ہیت کرسا ایئرچیف پاکستانی سلہہ بند فوج انا جنگی لائخی تیا پت انا درشانی ءِ کرے۔ اوداہیت آ زور شاغا کہ ننا سلہہ بند فوج علاقائی سالمیت و قومی وتواجہی نا دفاع کن ہروخت تیار ءِ۔ سروک پاک فضائیہ پارے کہ پاک فضائیہ ملک انا برخلاف ہروڑنا جارحیت و ناپاک ارادہ غاتا وخت آ ورندی ءِ تننگ نا پبی لائخی تخک۔ اوکان گڈ، سروک پاک فضائیہ ایئرچیف مارشل ظہیر احمد بابرسدھو کورس اٹی بشخ ہلوک آتون گپ وتران ہم کرے۔
