اسلام آباد۔ 24جون (اے پی پی) وزیراعظم عمران خان تون پارلیمانی سیکرٹری وزارت نیشنل ہیلتھ سروسز ڈاکٹر نوشین حامد اوڑدہی کرے۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ اوڑدہی ٹی ملکی سیاسی حالیت و بجٹ آ گپ وتران مس۔ داکان بیدس ڈاکٹر نوشین حامد وزیراعظم ءِ سرسہب سمارک لاک ڈاؤن پالیسی نا سوب آن کورونا نا دین انا مون ءِ توننگ و زرگزران نا بحالی آ خراج تحسین پیش کرے۔ اوڑدہی ٹی بجٹ اٹ جان جوڑی نا بشخ انا شونداری کن جتا زر و جان جوڑی کارڈ آن لس بندغ نا بنداوی جان جوڑی نا آسراتی اسکان رسینگ نا باندات آ ہم گپ وتران کننگا۔

متعلقہ مضامینمصنف کی طرف سے مزید