اسلام آباد۔ 24جون (اے پی پی) وزیراعظم عمران خان پارینے کہ انشاء اللہ بروک آ سال ملک آن پولیو پورو چٹک۔ پنچ شنبے نادے آ اسہ ٹویٹ اسے ٹی اوپارے کہ بل گیٹس تون اونا گپ وتران مسنے و پاکستان اٹ پولیو نا چٹفنگ کن اونا فاؤنڈیشن نا کمک آ اونا منت واری ءِ ہرفینے۔ اوپارے کہ تدوک آ سال ملک اٹی پولیو نا 56کیس مون آ بسوسس وخت اس کہ داسال داتم اسکان پولیونا بیرہ اسہ کیس اس مون آ بسنے۔ انشاء اللہ بروک آ سال نن پولیوءِ پورو چٹفنہ۔ وزیراعظم پارے کہ او بل گیٹس ءِ داہم پارے کہ انت او پاکستان اٹ مائیکرو سافٹ انکیوبیشن لیب اس جوڑ کننگ کیک۔
