اسلام آباد۔ 24جون (اے پی پی) وزیراعظم عمران خان تون خیبرپختونخواآن تعلق تخوک آ قومی اسمبلی نا باسک آک اوڑدہی کریر۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ اوڑدہی ٹی قومی اسمبلی نا باسک سلیم الرحمان، صالح محمد، مجاہدعلی، نورعالم خان، ملک فخرزمان، ملک انورتاج، شیراکبرخان و گل داد ئسک ساڑی ئسر۔ داوخت آ تعلقدار حلقہ غاتا ویل و برجاشونداری ڈٹ آتیا گپ وتران کننگا۔ داکان بیدس خیبرپختونخواٹی سیل و سوات ءِ مون آ دننگ، بجٹ اٹ صوبہ ٹی تعلیم و جان جوڑی ءِ مون آ دننگ آ خاص چکار و چاگڑد و موسمیاتی بدلی نا ڈٹ آتیا ہم گپ وتران کننگا۔
