اسلام آباد۔ 23جون (اے پی پی) وزیراعظم عمران خان نا کماشی ٹی ”قومی انٹیلیجنس رابطہ کمیٹی“ نا خصوصی ءُ دیوان اس چارشنبے نادے آ انٹرسروسز انٹیلی جنس سیکرٹریٹ اسلام آباد اٹی اڈ ہلک۔ وزیراعظم آفس نا میڈیا ونگ آن جاری بیان نا رداٹ ڈائریکٹر جنرل انٹر سروسز انٹیلیجنس لیفٹیننٹ جنرل فیض حمید وزیراعظم و بنجائی وزیر آتا انٹیلی جنس سیکرٹریٹ آ بننگ آ اوفتے بخیرکرے۔
ساڑی ہی ٹی جوڑ کروک قومی انٹیلی جنس رابطہ کمیٹی، قومی انٹیلیجنس نا اسیجائی جاچ اکن انٹیلیجنس رابطہ و کمکاری نا پلیٹ فارم ءِ ہرانا حکومت پاکستان اینخو سال 22جنوری آ نوٹیفکیشن ءِ کریسس۔ دیوان اٹی وزیرداخلہ شیخ رشید احمد، بنجائی وزیر حوالکاری و شینکاری فواد چوہدری، سروسز نا انٹیلی جنس ادارہ، انٹیلی جنس بیورو و بنجائی جاست وپاستی ادارہ (ایف آئی اے) نا سروک آک بشخ ہلکر۔ دیوان اٹی بشخ ہلوک آتے انٹیلی جنس کمکاری ءِ ودفنگ نا بابت جامع حوال تننگا و دابابت گپ وتران کننگا۔ وزیراعظم قومی انٹیلی جنس کوآرڈینیشن کمیٹی نا کوشست آتا ستاءِ کرے و کمیٹی نا کارکڑد آ است جمی نا درشانی ءِ کرے۔
