کوئٹہ۔ 23جون (اے پی پی) ڈپٹی اسپیکر قومی اسمبلی قاسم خان سوری کوئٹہ اسلام آباد ایئرسیال فلائیٹ آپریشن نابناءِ کرے۔ دود کوئٹہ ایئرپورٹ آ مس۔ دود آن ڈپٹی اسپیکر قاسم خان سوری نا پاننگ ئس کہ ملکی زرگزران سوگومننگ ءِ۔ خراج فری بجٹ گچین مروک آ حکومت نا بھلو کارنامہ اسے۔ اوپارے کہ بلوچستان نا شونداری وزیراعظم نا عزم ءِ۔ بلوچستان نا سویلی علاقہ غاتا شونداری کن 640ارب روپئی اٹ کاریم کننگ ءِ۔ سیاست آن ایڑتر بیرہ ملک و الس نا گچینی کن کاریم ننا اولیت ءِ۔ ڈپٹی اسپیکر قاسم سوری ایئرسیال نا عہدیدارآتے فلائیٹ آپریشن نا بنا آ مبارکبادی تس و اومیت نا درشانی ءِ کرے کہ کمپنی گوادر آن ہم آپریشن نا بناءِ کیک۔ اوپارے کہ کورونا دین اٹی دنیا نا بھلا ایئرلائن بند مسر ولے پاکستان اٹی پوسکن آ سروس اینوبناکرے۔ ایئرسیال ایئربس انا کمک اٹ کوئٹہ غان کراچی و اسلام آباد کن ہفتہ ٹی 6جہاز چلیفنگک۔ ایئرسیال نا فلائیٹ آپریشن ملک انا 5شارتیٹی بناءِ کرینن۔ ایئرسیال نا CEOامین احسن و PTIبلوچستان نا عہدیدارآک ہم ساڑی ئسر۔
