اسلام آباد۔ 23جون (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ وزیراعظم نا وژن نا رداٹ پاکستان سمارٹ لاک ڈاؤن نا حکمت عملی ءِ اختیارکروک آ اولیکو ملک آتیان ءِ۔ چارشنبے نادے آ جاری تینا اسہ ٹویٹ اسے ٹی اوپارے کہ کورونا دین ءِ کنٹرول کننگ کن 220ملین نا آبادی ٹی ناجوڑی نا کچ آن ہموعلاقہ غاتے ٹی سمارٹ لاک ڈاؤن خلنگا ہراڑے دانا کچ زیات ئس۔ اوپارے کہ وزیراعظم عمران خان پاہک کہ کورونا ءِ کم کننگ کن سمارٹ لاک ڈاؤن کمک ایتک۔
