اسلام آباد۔ 23جون (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ مچ آ ملک اٹی اِراہزار سینٹرآتیا ویکسین نا بے سلنگ آن فراوانی اسہ چیلنج اس ئس، حکومت تینا گچین حکمت عملی نا سوب آن ویکسین نا بے سلنگ آن فراوانی ءِ پک کننگ ءِ۔ داخیال آتا درشانی ءِ او تینا کماشی ٹی ہیلتھ اینڈ پاپولیشن تھنک ٹینک انا دیوان اٹی گپ وتران کرسا کرے۔ دیوان اٹی کورونا دین آن بچنگ کن ویکسین نا کوریج ءِ ودفنگ نا حکمت عملی آ گپ وتران کننگا۔ دیوان اٹی بنجاو صوبہ غاتا جان جوڑی نا چاہندار آک ہم بشخ ہلکر۔ ڈاکٹر فیصل سلطان پارے کہ کورونا دین آن بچنگ کن حکومت گام گیج آتے پک کننگ ءِ۔ مچ آ ملک اٹی اِراہزار سینٹرآتیا ویکسین نا بے سلنگ آن فراوانی اسہ چیلنج اس ئس ولے حکومت تینا گچین حکمت عملی نا سوب آن ویکسین نا بے سلنگ آن فراوانی ءِ پک کننگ ءِ۔ حکومت ویکسین نا بے سلنگ آن فراوانی ءِ ہم پک کننگ ءِ۔ اوپارے کہ مچ آ ملک اٹی اِراہزارآن زیات ویکسی نیشن سینٹرءُ ہرافتیا ہڑدے مسٹ آن چار لکھ بندغ ءِ ویکسین خلنگ انگ ءِ۔ اوپارے کہ داہم اسہ حقیقت اسے کہ مچ آ دنیا ٹی ویکسین نا کمتی نا ویل مون تروک ءِ۔
