اسلام آباد۔ 23جون (اے پی پی) سائینو ویک نا 20لکھ پین خور پی آئی اے نا خصوصی جہاز انا کمک اٹ اسلام آباد آ سرمس ہرافتے زوت ایلو صوبہ غاتا ویکسین ہند آتیا سرکننگک۔ نیشنل کمانڈ اینڈ آپریشن سینٹر(این سی او سی) نا رداٹ ویکسین نا داخورآتے چین نا پاکستان تون بے مٹ سنگتی نا رداٹ کروک آ معاہدہ غا عملدرآمد کرسا اتنگانے۔ این سی او سی نا چاروکی ٹی این ڈی ایم اے جہانی مارکیٹ آن ویکسین تا ہلنگ نا عمل ءِ ہُننگ ءِ۔ ویکسین نا داخور آتے غٹ صوبہ غاتے ٹی جوڑ مروک ویکسین سینٹرآتیا سرکننگک ہراڑکن مست آن حکومت پاکستان بست وبند کرینے۔ سائینو ویک انا داکھیپ انا بننگ تون مچ آ ملک اٹی الس ءِ ہڑدے ئی خلوک آ اوسطاَ خور آتے ٹی خاطرخواہ ودکی مریک و زیات آن زیات مخلوق دادینی مرض انا برخلاف ویکسین خلفنگ کیک۔
