اسلام آباد۔ 23جون (اے پی پی) وزیراعظم نا خصوصی کمکار ڈاکٹر فیصل سلطان پارینے کہ جان جوڑی نا بشخ حکومت نا اولیت ءِ، یونیورسل ہیلتھ کوریج ءِ پک کننگ کن حکومت گچین گام گیج آتے پک کننگ ءِ، جان جوڑی انصاف کارڈ حکومت نا انقلابی ءُ پروگرام اسے۔ داخیال آتا درشانی ءِ او اسٹیٹ لائف نا بنجائی و صوبائی پروگرام نا رداٹ رکھ مروک خاہوت آتا آسانی کن جان جوڑی آسراتی موبائل ایپ انا بناءِ کننگ نا دود آن تران کرسا کرے۔ بنائی دود اسٹیٹ لائف بلڈنگ(ٹاور) اٹی اڈ ہلک۔ دود آن تران کرسا ڈاکٹر فیصل سلطان پارے کہ جان جوڑی نا بشخ حکومت نا اولیت ءِ۔ یونیورسل ہیلتھ کوریج ءِ پک کننگ کن حکومت گچین گام گیج آتے پک کننگ ءِ۔ جان جوڑی انصاف کارڈ حکومت نا انقلابی ءُ پروگرام اسے، پروگرام نا دنگ ءِ نن مچ آ ملک اسکان تالان کرینن۔ اوپارے کہ داوخت آ پاکستان نا 90ضلع غاتے ٹی پروگرام سرسہبی اٹ برجاءِ۔ داپروگرام نا رداٹ ہیلتھ کارڈ آن فائدہ ہرفوک آ مخلوق تینا درمان ءِ پاکستان نا گچین پنچ ہسپتال آتے ٹی مفت درمان کرفنگ کیرہ فاٹاتھرپارکرآزاد جموں و کشمیر و کے پی کے ٹی غٹ بندغ آتے ہیلتھ کارڈ انا آسراتی ساڑی ءِ۔ اسٹیٹ لائف بنجائی و صوبائی پروگرام نا رداٹ رکھ مروک خاہوت آتا آسانی کن جان جوڑی آسراتی موبائل ایپ انا بناءِ کننگ ءِ۔ جان جوڑی آسراتی موبائل ایپ پروگرام نا رداٹ تروک آ آسودہی تاسرجم و رجسٹرڈ مروک ہسپتال آتسکان رسینگ نا راہشونی فراوان کیک۔ داموبائل ایپ نما شناختی کارڈ انا کاریم اٹ اتسا خودکار وڑوڈول اٹ نما بنجائی، خیبرپختونخوا، پنجاب پروگرام نا رداٹ رکھ یافتہ مننگ نا معلومداری فراوان کیک۔ کاریم اٹ اتوک آک جان جوڑی کارڈ انا درمان کن ساڑی آ زر و تروک آ آسراتی تا سرجم آتے آسانی اٹ ہُننگ کیرہ۔ داکان بیدس پروگرام نا بارواٹ معلوماتی مواد و گونڈ ءُ ویڈیو ہم ڈاؤن لوڈ کننگ مریک۔
