اسلام آباد۔22جون (اے پی پی): مزن وزیر عمران خان ءَ گوشت کہ پاکستان اوگانستان ءَ امریکا ءِ گوما ایمنی ءِ واستہ شریکدار جوڑ بوھگ ءِ واستہ تیار آں بلے وتی سرزمین ءِ سر ءَ امریکی اردی اڈا آناں موہ نہ دیاں، ما ایشی دیمپان بوت نہ کناں، ما پیسر ءَ ایشی ءِ ٹوھیں قیمت داتگ، اوگانستان ءَ اچ کس مئے دوستیگ نہ انت، کجام ھم الس دوستں حکومت ءِ گوما کار کنگ ءَ تیار آں ھما کہ اوگان الس ءِ واھگ دار بہ بیت۔ پڑ ءَ ایمنی ءُ دیمروئی ءِ واستہ یک نوکیں دمگی منوگری ءِ ضلورت انت۔ نامداریں امریکی تاکبند “واشنگٹن پوسٹ” ءَ نبشتہ کتگیں وتی نبشتانک ءَ مزن وزیر عمران خان ءَ گوشتگ کہ پاکستان اوگانستان ءَ اینی ءِ واستہ امریکا ءِ گوما شریکدار جوڑ بوھگ ءِ واستہ تیار انت بلے اوگانستان ءَ چہ امریکی ارد ءِ در کنگ ءَ چہ پد ما کجام ھم نمونگ ءَ بیم ءُ ترس وتی کوپگ آں کت نہ کناں۔ آئی ءَ نبشتہ کتگ کہ پاکستان ءَ بم جنگ ءِ واستہ امریکہ ءَ را اڈا دیگ ءِ پد ءَ راضی بوتگ ایشی ءِ نتیجگ ءَ اوگان جنگ ءُ چوپ بیت گڈا ناشرکاری بدلہ گرگ ءِ واستہ دوارگ پاکستان ءَ را نشانگ بند اَنت۔ ما اے رنگ کت نہ کناں۔ ما پیسر ءَ چہ ایشی ٹوھیں قیمت ءِ داتگ۔ ھمے رنگ ءَ ایمریک کہ راجدپتر ءِ ٹوھ تریں زوراک انت ، اوگانستان ءَ 20 سال ءَ نندگ ءَ چہ پد جنگ ءِ باج بُرت نہ کتگ پاکستان ءَ اڈا جوڑ کنگ ءَ چہ چتور جنگ ءَ باج بُرت کنت؟ مزن وزیر ءَ وتی نبشتانک ءِ تہ ءَ نبشتہ کت کہ اوگانستان باز دیراں چہ مشکل آنی آماچ انت، مئے یک رنگیں سیت انت۔ ما لوٹاں کہ اے جیڈھ ءِ سیاسی گیواری ءِ در بہ کپ ایت، اقتصادی دیمروئی بہ بیت ، ناشرکار آنی اچ پناہ گاہ مہ بیت۔ ما اوگانستان ءَ کجام ھم اردی ھاٹیگ ءِ سروکی ءِ گرگ ءِ ھلاپ آں ھما ءَ چہ گیش جنگ ءُ چوپے بہ بیت چیا کہ یک گروپ ءِ سرجمیں ملک ءَ کامیاتی در جت نہ کنت ءُ ایش کجام ھم حکومت ءِ کامیاتی ءِ واستہ طالبان ءِ ھواری المی انت۔ مزن وزیر ءَ گوشت کہ ارش آنی تہ ءَ لس شہری آناں رستگیں تاوان پاکستانی ارد ءِ ھلاپ ءَ وت کشی آنی سبب جوڑ بوتگ۔ اے ارش آنی تہ ءَ شہید بوھوکیں پاکستانی ارد آنی کساس اوگانستان ءُ عراق دوئیں جاہ آں امریکی ارد آنی کساس ءَ چہ ھم گیش بوتگ وھدیکہ ایشی ءِ نتیجگ ءَ مئے ھلاپ ءَ ناشرکاری ءِ تہ ءَ گیش گیشی بوتگ۔ ایوک ءَ صوبہ خیبر پختونخوا ءَ 500 پولیس کارندہ شہید بوتگ انت۔ بُن گپ ءَ مزن وزیر عمران خان ءَ گوشت کہ پاکستان ءَ 30 لکھ ءَ چہ گیش اوگان پناہ گاہ انت، اگاں اوگانستان ءَ جیڈھ ءِ سیاسی گیواری ءِ مٹوئی ءَ گیش خانہ جنگی بوت گڈا پناہ گاہ کاینت ءُ مئے سیم سرئی دمگ آنی تہ ءَ نہ وشی ءُ گریبی ءِ تہ ءَ گیشی بیت۔ ما تاریخی رنگ ءَ پچ بوتگیں سیم سر آنی سر ءَ بارڈر ءِ جنگ ءِ کار کساس سرجم کتگ۔ مزن وزیر ءَ وتی بن گپ ءَ گوشت کہ اوگانستا ن ءَ امریکا ءُ پاکستان ءِ سیت یکین انت۔ ما گپ ءُ تران ءِ وسیلگ ءَ ایمنی لوٹاں نہ کہ خانہ جنگی، ما ناشرکاری ءِ ھلاپس ءُ برجائی لوٹاں۔ ما انچیں منوگری ءِ کمک ءَ کنان ھما کہ گوستگیں بیست سال آنی ساھت ءَ اوگانستان ءَ دیمروئی ءِ برورد آنی نگہبانی ءَ بکن انت۔ ءُ ما اقتصادی دیمروئی وتی معیشت ءَ را چست کنگ ءِ واستہ نیامی ایشیا ءَ رابطہ ءُ تجارت لوٹاں۔ اگاں اوگانستان ءَ گیش خانہ جنگی بوت گڈا مارا درستاناں تاوان بیت۔ ھمے سبب انت کہ ما طالبان ءِ گوما سول ءُ تران ءِ ٹیمبل ءِ سر ءَ اولی امریکی ءُ پدا اوگان حکومت ءِ گوما نندگ ءِ واستہ بازیں گواچنی سفارتی کوشست کتگ۔ ما لوٹاں کہ اگاں طالبان اردی فتح ءِ جار جنگ ءِ کوشست ءَ بکن انت گڈا ایشی ءَ چہ بہھ ھلاس نہ بوھوکیں ھون ءُ ھون ریچی بیت۔ اولی رند ءَ یکجائی بیان اوگانستان ءِ چاریں ھمساھگیں ملک ءُ یکجائی شریکدار آنی نیمگ ءَ یکیں آواز اے گپ ءِ سہرائی ءَ کنت کہ اوگانستان ءِ جیڈھ ءِ سیاسی گیواری ءِ رنگ ءَ جاور ھال چہ بہ بنت۔ اے پڑ ءَ ایمنی ءُ دیمروئی ءِ واستہ یک نوکیں دمگی منوگری ءِ سبب ھم بیت ایشی ءِ اندر ءَ ناشرکاری ءِ بیم آں گوں گر ءُ چیل ءِ واستہ اوگان حکومت ءِ گوما انٹیلی جنس ءِ روگ ءُ آیگ ءُ یکجائی ءَ کار کنگ ءِ لوٹ ھم ھوار بنت۔ اوگانستان ءِ ھمساھگیں ملک وتی سرڈگار ءَ را اوگانستان ءِ جوڑیشت ءِ واستہ اوگان ءِ کمک ءِ سوگند ھم کنت انت۔ مزن وزیر ءَ وتی مضمون ءَ نبشتہ کتگ کہ من دل یکیم آں کہ دمگی تجارت ءُ اقتصادی روگ ءُ آیگ ءِ دیمروئی، اوگانستان ءَ مھکمیں ایمنی ءُ سلامتی ءِ کلیت انت۔ گیش اردی کاروائی ءِ اچ پائیدگ نیست انت۔ اگاں ما زمہ واتی ءِ بھر زور بہ بنت گڈا اوگانستان یک زمانگ ءِ “گریٹ گیم” ءُ دمگی شاہکاری آنی سبب زانگ بوتگ، دمگی کمک ءِ درور ءِ رنگ ءَ سہرا بوت کنت۔
