اسلام آباد۔ 22جون (اے پی پی) پاکستان تحریک انصاف نا زالبول پارلیمنٹ نا باسک آک پارینو کہ وزیراعظم عمران خان نا پڑدہ نا بابت بیان ءِ متنازع جوڑ کننگ انگ ءِ، اسہ ہم لبرل وکرپٹ ننا زالبول و راج انا ترجمان جوڑ مف۔ حکومت زالبول آتے واکدار کننگ کن کانود سازی تون اوار پین گام گیج کرینے، جنسی ڈوہ تا توننگ کن میڈیا، عالم دین تتون اوار راج ءِ زموارانہ کڑد ادا کروئی مریک۔ داخیال آتا درشانی ءِ وزیر مملکت موسمیاتی بدلی زرتاج گل، پارلیمانی سیکرٹری کانود وانصاف ملیکہ بخاری و پارلیمانی سیکرٹری ڈٹ بندی و اصلاحات کنول شوذب ئسک داڑے پریس کانفرنس آن تران کرسا کریر۔ وزیر مملکت موسمیاتی بدلی زرتاج گل پارے کہ وزیراعظم عمران خان نرزور قوم انا نمائندگی ءِ کیک۔ وزیراعظم عمران خان پیدوار ءُ موقف اس اختیار کرینے کہ پاکستان نا خارجہ پالیسی ملکی سالمیت ءِ مون آ تخسا جوڑ مریک۔ اودوٹوک وڑاٹ پارینے کہ پاکستان اٹ امریکہ ءِ اڈہ ہچ ءُ حالیت اسے ٹی تفنہ۔ وزیر مملکت پارے کہ مادر ملت گودی فاطمہ جناحؒ تحریک پاکستان اٹ زیات آن زیات بشخ ہلک۔ ہنداوڑ پاکستان تحریک انصاف زالبول فعال کڑد ادا کننگ ءِ۔ اوپارے کہ ای جاگیردار آتا برخلاف گچین کاری تے کٹسا قومی اسمبلی آ سرمسونٹ و دابیرہ وزیراعظم نا کماشی و راہشونی اٹ مننگ کرینے۔ اوپارے کہ پاکستان تحریک انصاف نا حکومت اٹ کنتون اوار 5زالبول وزیر ءُ۔ 12آن زیات زالبول پارلیمانی سیکرٹری ءُ۔ داوزیراعظم عمران خان نا زالبول آتے واکدار کننگ نا ویژن نا گچین ءُ درور اسے۔ اوپارے کہ ننے تینا کلچر، مذہب و لویس آ گمرءِ۔
