اسلام آباد۔ 22جون (اے پی پی) ملک اٹی بجلی نا پیدوار نا بشخ اٹی برجامالی سال انا اولیکو 11تُواٹی براہ راست درملکی زرکاری ٹی تدوک آ مالی سال انا مقابلہ ٹی 16.31درسد نا ودکی ریکارڈ کننگانے۔ زرکاری بورڈ و اسٹیٹ بینک انا کنڈآن دابابت جاری کروک حساب وکتاب نا رداٹ برجامالی سال انا اولیکو 11تُو اٹی ملک اٹی بجلی نا پیدوار اٹی  856.1ملین ڈالر نا براہ راست درملکی زرکاری ریکارڈ کننگا، تدوک آ مالی سال انا ہندا مداٹی بجلی نا بشخ اٹی 736ملین ڈالر نا براہ راست درملکی زرکاری ریکارڈ کننگاسس۔ مئی 2021ء ٹی دا بشخ اٹی براہ راست درملکی زرکاری نا کچ 43.3ملین ڈالر ریکارڈ کننگا۔ پن بجلی نا بشخ اٹی برجامالی سال اٹی براہ راست درملکی زرکاری نا کچ 186.9ملین ڈالر ریکارڈ کننگا۔ پن بجلی نا بشخ اٹی برجامالی سال اٹی براہ راست درملکی زرکاری نا کچ 186.9ملین ڈالر ئس ہراتدوک آ مالی سال انا مقابلہ ٹی 47.51درسد زیات ءِ۔ تدوک آ مالی سال انا ہندامد اٹی پن بجلی نا بشخ اٹ براہ راست زرکاری نا کچ 126.7ملین ڈالر ریکارڈ کننگا، تھرمل بجلی ودی کننگ نا ڈٹ آتے ٹی برجامالی سال انا اولیکو 11تُواٹی 175.9ملین ڈالر نا براہ راست درملکی زرکاری مس۔ تدوک آ مالی سال نا ہندامداٹی 64.4ملین ڈالر نا براہ راست درملکی زرکاری ریکارڈ کننگاسس۔ کولاآن بجلی ودی کننگ نا ڈٹ آتے ٹی برجامالی سال انا اولیکو 11تُواٹی 493.3ملین ڈالر نا براہ راست درملکی زرکاری ریکارڈ کننگا۔ تدوک آ مالی سال انا ہندا مد اٹی دابشخ اٹی براہ راست درملکی زرکاری نا کچ ءِ 544.9ملین ڈالر ریکارڈ کننگاسس۔

متعلقہ مضامینمصنف کی طرف سے مزید