اسلام آباد۔ 21جون (اے پی پی) پاکستان سعودی عرب نا سویلی علاقہ ٹی حوثی باغی تا کنڈآن ساڑی آ جلہو آتا ترندی اٹ مذمت ءِ کرینے و پارینے کہ سیوتی فوج انا کنڈآن جلہو آتے توننگ و دھماکہ خیز مواد آن شپ ڈرون تا بھسکاری سفت نا قابل ءِ۔ دوشنبے نادے آ ترجمان دفترخارجہ حوثی باغی تا کنڈآن جلہو نا مذمت ءِ کرسا پارے کہ داجلہو آتیان سعودی مملکت نا علاقائی سالمیت نا خلاف ورزی آن بید س بے گناہ مخلوق نا جان ءِ ہم خطرہ ءِ۔ پاکستان داوڑنا جلہو آتے دمدستی وڑاٹ بند کننگ نا خواست کرینے۔ ترجمان پارے کہ پاکستان سلامتی و علاقائی سالمیت ءِ مون تروک خطرہ غاتا برخلاف ایلم مملکت سعودی عرب تون تینا پورو مخ تفی و یکجہتی نا درشانی ءِ کیک۔
