اسلام آباد۔ 21جون (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری سینیٹر عثمان خان کاکڑ نا کزیت آ ڈکھ و است ہسونی نا درشانی ءِ کرینو۔ دوشنبے نادے آ تینا جتا جتا ہڑزخواہی کلہو آتے ٹی اوفک پاریر کہ سینیٹر عثمان خان کاکڑ اسہ محب وطن سیاسی را راجی راہشون اس ئس، عثمان خان کاکڑ بلوچستان نا الس ءِ اوفتا حق ءِ ترفنگ کن مدام توار بڑزکرینے۔ عثمان خان کاکڑ نا بلوچستان نا محرومی تیکن سیاسی و راجی خذمت آتے مدام یات تخنگک۔ اوفک پاریر کہ ملک اینو اسہ محب وطن سیاسی و راجی راہشون اسے آن محروم مسنے۔ عثمان خان کاکڑ نا کزیت آن ودی مروک آ خلاء مدآتے ٹی پِرمننگ کپک۔ اسپیکر و ڈپٹی اسپیکر ایماندار نا درجہ غاتا بڑزی و پدسلوک آ خاہوت ءِ داناقابل تلافی نسخان ءِ سگنگ کن صبر وجمیل عطاء کننگ کن دعاکریر۔
