ہری پور۔ 21جون (اے پی پی) بنجائی وزیر اقتصادی امور عمرایوب خان بھلو خڑچ اسے آن صوابی میرا II فیڈر و صوبائی وزیر بلدیات اکبرایوب خان اسہ ارب 50کروڑ روپئی نا خڑچ آن بیڑآن کلنجرسڑک نا تفنگ تون اوار آبنوشی اسکیم نا بناءِ کریر۔ داکان مست صوابی میرا نا ہند آ 2ارب 50کروڑ روپئی نا بھلو فنڈنگ اسے آن سوئی گیس فراوانی ڈٹ انا مین لائن نا پوروی نا تدوک آ دے شعلہ غاتے لگفسا بناءِ کریسر۔ مسکوہی صوبائی وزیر یوسف ایوب خان و وزیر بلدیات اکبرایوب خان، ضلعی صدر پاکستان تحریک انصاف راجہ احتشام ئسک ہم داوخت آ ساڑی ئسر۔ بنجائی وزیر عمرایوب خان پارے کہ یوسی کلنجر اٹ برجا ڈٹ جاٹ مواصلاتی انقلاب نا کنڈآ اہم ءُ مزل نا نشان اس مریک۔ خان برادران نا کنڈآن علاقہ تناول نا پسماندگی نا چٹفنگ کن یک و نیم ارب روپئی نا خڑچ آن بیڑآن کلنجر سڑک، کروڑ آ روپئی نا خڑچ آن کلنجر ءِ ملفوک آ رابطہ سڑک، آبنوشی ٹیوب ویل آتیان بیدس ارب آ روپئی نا خڑچ آن صوابی میرا فیڈر IIو سوئی گیس انا فراوانی نا بناءِ کرے۔ صوبائی وزیر بلدیات اکبرایوب خان، بنجائی وزیر عمرایوب خان و یوسف ایوب خان نا کلنجر سرمننگ آ علاقہ والاک اوفتے بخیرکریر۔ علاقہ نا متبر سیاسی شخصیت حاجی حبیب ایوب خان نا کنڈآن لس جلسہ اس اڈتننگا ہراٹی خان برادران ءِ جم و جوش اٹ بخیر کریر۔ داکان مست صوبائی وزیر بلدیات و پارلیمانی امور اکبر ایوب خان نا شرف اٹ ٹی آئی پی نا دانیال گلزار، ملک جنید و عبیدالرحمان نا کنڈآن بیا بخیری دود اسے نا بست وبندءِ کننگا۔ داوخت آ علاقہ نا شرفمند آک اکبرایوب خان و یوسف ایوب خان نا ٹی آئی پی ایریانا سڑک آتا تفنگ، سیل و سواتی پارک و سٹریٹ لائٹ آتا جوڑ کننگ نا ستاءِ کریر و مچ آضلع ٹی السی خذمت نا لامتناعی ریکارڈ اس جوڑکننگ آ خراج تحسین پیش کریر۔