کوئٹہ۔ 21جون (اے پی پی) گورنر بلوچستان امان اللہ خان یاسین زئی پشتونخواملی عوامی پارٹی نا صوبائی صدر و مسکوہی سینیٹر عثمان خان کاکڑ نا کزیت آ است ہسونی نا درشانی ءِ کرینے۔ گورنر بلوچستان امان اللہ خان یاسین زئی تینا اسہ ہڑزخواہی بیان اسے ٹی پارے کہ ایماندار عثمان خان نا جمہوری قدر انا مون آ دننگ، قوم تا بریبری و سیاسی شعور و بیداری کن سرتروک آ خذمت آتے مدام یات تخنگک۔ داکان بیدس اوسینیٹ اٹ بلوچستان نا الس نا پبی نمائندگی ءِ کرے۔ گورنر بلوچستان ایماندار نا درجہ غاتا بڑزی کن دعا کرے و پدسلوک آ خاہوت تون ہڑزخواہی و ہمدردی نا درشانی ءِ کرے۔
