اسلام آباد۔20جون (اے پی پی): وزیر ءِ درئی کار شاہ محمود قریشی ءَ کابل ایئر پورٹ ءِ سیکورٹی ترکی ءِ ھوالگ ءَ کنگ ءِ شور ءُ مشور ءِ ھوالگ ءَ گوشت کہ اے رد ءَ اوگان حکومت ءُ طالبان ءَ را دل یکیم کنگ ءِ ضلورت انت۔ اناطولیہ ڈپلومیسی فارم ءَ بھر زوری ءِ واستہ وتی تر ءُ تاب ءِ ساھت ءَ سی این این ءَ گوں تران کنان ءَ گوشت کہ وزیر ءِ درئی کار ءَ گوشتگ کہ آ اے جیڈھ ءِ ھوالگ ءَ ترک ھمکار ءَ را گوں تران کنت۔ ترکی بالی پٹ ءَ را پچ کنگ ءُ کابل ءِ گوما ڈن ملکی دگنیا ءَ را رابطہ جاڑی دارگ ءِ واستہ وتی اُرد آں ھوار سروسز پجاری کنگ ءَ انت۔ آئی ءَ گوشت کہ اپریل ءَ اوگان ایمنی ءِ ھوالگ ءَ مزن تکی کانفرنس ءِ شور ءُ سلاھ ءَ چہ پد ترک ءُ اوگان وزیر ءِ گوما سئے فریقی دیوان ءِ واستہ استنبول روگ ءِ پیسلہ کتگ تانکہ ایمنی کار ءِ رد ءَ گپ ءُ تران کنگ بہ بیت۔ وزیر ءِ درئی کار ءَ گوشت کہ کانفرنس یک جوانیں گامگیج ات ایشی پاکستان حمایت ءَ کنت۔
