جیڈھ ءِ سول ءُ تران ءَ گوں گیواری ءَ چہ مہاجر آنی وطن واتری ءِ کشک پچ بنت، وزیر ءِ درئی کار شاہ محمود قریشی ءِ پناہ گیر آنی میاں اوستمانی روچ ءِ موہ ءَ کلوہ

اسلام آباد۔20جون (اے پی پی): میاں اوستمانی برات وھد ءِ یک شمبے ءِ روچ ءَ میاں اوستمانی پناہ گیر  آںی  روچ ءَ برجم دار انت، پاکستان اے موہ ءِ سر ءَ میاں اوستمانی تک ءِ زمہ واری آنی ٹرانسفر، مھکمیں گیواری ءِ واستہ کوشست  آناں دو سرئی کنگ  ءُ اوگان جیڈھ ءَ را سیاسی رنگ ءَ گیوار کنگ ءِ لوٹ ءَ کنت۔  اے ھیالانی درشانی آئی ءَ پناہ گیر آنی میاں اوستمانی روچ ءِ درگت ءَ وتی کلوہ ءَ کت۔