اسلام آباد۔20جون (اے پی پی): وزیر ءِ درئی کار مخدوم شاہ محمود قریشی ءَ انتالیہ ءَ ترکی ءِ وزیر ءِ درئی کار میولوت چاوش اوغلو ءِ گوما گند ءُ نند کت۔ گند ءُ نند ءِ ساھت ءَ دو نیمگی یکوئی ، یکجائی شوبگ آنی تہ ءَ کمک ءَ ھوار وت مہ وتی واھگی کار آں ھوار دمگی ارزشتی ایں ءُ میاں اوستمانی کار آںی بابت ءَ ھیال ریچی کنگ بوت۔ وزیر ءِ درئی کار ءَ انطالیہ سفاری فورم ءِ کامیاتیں برجائی ءِ پد ءَ ترک ھمکار ءَ را مبارک بات دات ءُ جوانیں انتظامی بست ءُ بند کنگ ءِ پد ءَ آئی ءِ شگر ءُ منت گپت۔
دوئیں وزیر ءِ درئی کار آں پاکستان ءُ ترکی ءِ نیام ءَ دو نیمگی یکوئی آئی دیمروئی ءِ واستہ، مزن تکی اسٹیٹیجک کمکی کونسل ءِ آیوکیں دیوان ءِ تیاریآنی ھوالگ ءَ گپ ءُ تران کت۔ پاکستان ءُ ترکی ءِ نیام ءَ اے مزن تکی اسٹیٹیجک کمکی کونسل ءِ ھپتمی دیوان، گوزوکیں سال ترکی ءَ بوھگی انت۔ دوئیں وزیر ءِ درئی کار آنی نیام ءَ ایمنی ءِ کار ءُ اوگانستان ءَ گیر ملکی اُرد ءِ در کنگ ءَ چہ پد جاور ھال آنی ھوالگ ءَ ھیال ریچی کت۔
