کراچی۔19جون (اے پی پی): اولی زالبول بیگم ثمینہ عارف علوی ءَ “احساس” ءُ “اخوت” وڑیں پروگرام آنی وسیلگ ءَ ھاسیں مردم آناں وت مستر جوڑی کنگ ءِ بابت ءَ زور داتگ تانکہ آ چاگرد ءِ سوبمندیں شہری جوڑ بوت بکن انت۔
اے ھیالانی درشانی آئی ءَ شمبے ءِ روچ ءَ ادا گورنر سندھ گس ءَ وہیل چیئر ءُ مالی کمکی چیک آنی بھر ءُ بانگ کنگ ءِ مراگش ءَ گوں تران کنان ءَ کت۔ بیگم ثمینہ علوی ءَ ھاسیں مردم آنی گہتری ءِ واستہ مھکمیں گامگیج آنی سر ءَ زور پردیان ءَ گوشت کہ پکوئیں گامگیج چست کنگ بوھگ ءَ انت۔ بیگم ثمینہ ءَ گوشت کہ ھاسیں مردم آناں جوانیں کزبی ھیل کاری سکھارینگ لوٹ ایت تانکہ آ وت کٹ کت بکن اَنت۔
