کراچی۔19جون (اے پی پی): صدر مملکت ڈاکٹر عارف علوی ءَ چاگرد ءِ دیمروئی ءِ واستہ مسیت آنی ارزشت ءِ ھواگ ءَ زور پر دیان ءَ گوشت کہ مسیت نا ایوک ءَ اسلامی رسم آنی واستہ انت بلکینگ ءَ چاگرد ءِ ازمت آناں الس آں تاں پجاری ءِ واستہ گہتریں وسیلگ انت۔ صدر ءِ مملکت شمبے ءَ ادا گورنر سندھ گس ءَ دعوت اسلامی ءِ ڈل ءَ گوں تران کنگ ءَ ات۔ ڈل ءَ گرین پاکستان ویژن ءِ ھوالگ ءَ وتی چست ءُ ایر ءُ حکومت ءِ گوما کمک ءِ دزبندی کت۔ ڈاکٹر عارف علوی ءَ ڈؒل ءِ ممبر آنی سر ءَ زور پر دات کہ آ وتی چاگردی کار آنی گوما الس ءَ را نادُراھی ءَ چہ رکھینگ ءِ بابت ءَ سرپدی پجاری بکن انت۔ ڈل ءَ ڈاکٹر عارف علوی ءَ را سرپد کت کہ آ تھلیسیمیا ءِ مریض آنی علاج ءُ درمان ءِ گوما ھاسیں مردم آنی واستہ چست ءُ ایر ھم بکن انت۔ صدر ءِ مملکت ءَ ڈل ءِ ممبر آناں شور ءُ سلاھ دات کہ آ حکومتی پروگرام وڑیں کامیات ورنا، اخوت ءُ اسکل ڈویلپمنٹ ءُ ایندگر آں چہ سیت چست بکن انت تانکہ آ گہبودی کار آنی تہ ءَ گیش بلدکار ءُ شوہوکار بہ بنت ءُ دیم ءَ بہ جنز انت۔
