اسلام آباد۔19جون (اے پی پی):ڈاکٹر فیصل سلطان ءَ مسلم لیگ (ن) ءِ ترجمان مریم اورنگزیب ءِ بیان ءَ ٹویٹس ءِ پسو ءَ دیان ءَ گوشت کہ سرجمیں ملک ءَ کورونا ھوپ ءَ چہ رکھگ ءِ واستہ ویکسینیشن گامگیج جوانیں نمونگ ءَ جاڑی انت، اے وھد ءَ سرجمیں ملک ءَ کورونا ویکیسن ءِ 10 لکھ ءَ چہ گیش ڈوز است انت۔ ڈاکٹر فیصل سلطان ءَ وتی بیان ءِ اندر ءَ گوشت کہ 20 جون ءَ ویکسین ءِ 1 لکھ 50 ہزا، 22 جون ءَ 25 لکھ ءُ 23 ءَ بگر تاں 30 جون ءَ تاں 20 لکھ ءَ چہ 30 لکھ ڈوز آیگی انت، وھدیکہ پاک ویک (کینسینو) ویکسین ءِ 4 لکھ ڈوز ایشاں چہ ابید انت۔ آئی ءَ گوشت کہ 18 جون ءَ ھواریں رنگ ءَ 1 کروڑ 29 لکھ مردم آناں ویکیسن جنگ بوتگ۔ گوستگیں سئے روچ ءِ ساھت ءَ 16 جون ءَ 4 لکھ 16 ہزار مردم آناں ویکسین جنگ بوتگ، 17 جون ءَ 2 لکھ 66 ہزار وھدیکہ 18 جون ءَ 2 لکھ 26 ہزار مردم آناں کورونا ءَ چہ رکھینگ ءِ ویکسین جنگ بوتگ۔
