اسلام آباد۔19جون (اے پی پی): بنجاھی وزیر برائے منصوبگ بندی دیمروئی ءُ ھاسیں گامگیج اسد عمر ءَ گوشت کہ بنجاھی حکومت ءِ سرکاری شوبگ آںی دیمروئی پروگرام ءَ گلگت بلتستان ءِ 135 ارب کلدار ءِ منصوبگ ھوار کنگ بوتگ انت۔ بنجاھی وزیر ءَ گلگت ءَ سر وزیر خالد خورشید ءُ صوبائی وزیر ءِ ھمبراھی ءَ پریس کانفرنس ءَ گوں گشتانک دیان ءَ گوشت کہ پی ایس ڈی پی ءِ منظور بوتگیں منصوبگ آںی واستہ گوزوکیں سال 56 ارب کلدار گیشینتگ انت۔ اے منصوبگ آنی تہءَ گانچھے پاور پراجیکٹ ، داریل تانگیر ایکسپریس وے، میڈیکل اینڈ نرسنگ کالج، گلگت شندور ایکسپریس وے، عطاآباد 50 میگاواٹ ءَ ھوار میگا منصوبگ ھوار انت، آئی ءَ گوشت کہ گلگت بلتستان ءِ الس آناں ٹیلی رسانک ءِ جدیدیں آسراتی ءِ پجاری ءِ واستہ یونیورسل سروس فنڈ ءُ اگنائٹ ءَ را ھم جی بی ءَ تاں شاھیگانی دیگ بوتگ۔
