اسلام آباد۔19جون (اے پی پی): وزیر ءِ درئی کار مخدوم شاہ محمود قریشی ءَ گوشت کہ پاکستان ، اوگانستان ءِ گوما وت مہ وتی واھگی کار آنی توامیں شوبگ آنی تہ ءَ دو نیمگی کمک آنی دیمروئی ءِ لوٹوک انت۔ اے گپ آئی ءَ شمبے ءِ روچ ءَ ترکی ءَ جاڑیگیں “انطالیہ سفارتی فورم” ءِ موہ ءَ اوگان ھمکار محمد حنیف آتمر ءِ گوما گند ءُ نند ءِ ساھت ءَ کت۔ درئی کارانی کارگس ءِ رد ءَ گپ ءُ تران ءِ ساھت ءَ دو نیمگی یکوئی ، اوگان ایمنی کار ءَ ھوار وت مہ وتی واھگی کار آنی ھوالگ ءَ ھیال ریچی کنگ بوت۔
