سکردو ۔19جون (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ پی ٹی آءی ءِ حکومت ءَ سیل ءُ سواد ءِ پڑ ءَ را دیمروئی رستگ، گلگت بلتستان ءِ دیمروئی ءِ واستہ 300 ارب کلدار ءَ چہ گیش پیکیج داتگ، پی آئی اے ءَ سکردو ءِ واستہ گوست ءِ مٹوئی ءَ گیش فلائیٹس چلائینتگ، گوست ءِ حکومت آں گلگت بلتستان ءِ انفراسٹرکچر ءِ سر ءَ اچ دلگوشی دیگ نہ بوتگ، سکردو پریس کلب ءَ ورنائیں اھوالکار آناں ڈیجیٹل ھیل کاری ءِ واستہ انتظامی کنگ بوھگ ءَ انت، سکردو ءُ ایندگر ٹوھیں ضلع آنی ٹائون پلاننگ کنگ بیت تانکہ آھوادا نندوکیں مردم آنی واستہ جیڈھ پیداک مہ بیت، دمگ ءِ دیمروئی ھندی حکومت آنی جوڑیشت ءَ چہ بوت کنت، کیاسگری ءِ ھوالگ ءَ چلوکیں کیسز آنی تہءَ ھمک روچ ءِ بنیات ءَ دیمروئی بہ بیت، ما کیاسگری ءِ کار ءَ را گڈی سیم سر آں تاں سر کنگ لوٹاں۔ اے ھیالانی درشانی آئی ءَ شمبے ءِ روچ ءَ سکردو پریس کلب ءَ میڈیا ءَ گوں تران کنان ءَ کت۔ بنجاھی وزیر اھوالکاری ءُ شنگ کاری ءَ گوشت کہ سکردو پریس کلب ءَ را گرانٹ گوزوکیں ماہ ءَ رس ایت، ایشی ءَ چہ یل لوٹ ءِ پیلو بیت، ایشیءَ ابید ادا ورنائیں اھوالکار آناں ڈیجیٹل ھیل کاری پجاری کنگ ءِ واستہ گامگیج کنگ بیت۔ آئیءَ گوشت کہ سکردو ءَ سیل ءُ سواد ءِ پڑ دیمروئی کنگ ءَ انت۔
