اسلام آباد۔19جون (اے پی پی): بنجاھی وزیر برائے منصوبگ بندی دیمروئی ءُ ھاسیں گامگیج اسد عمر ءَ گوشت کہ بنجاھی حکومت ءِ سرکاری شوبگ آنی دیمروئی پروگرام ءَ گلگت بلتستان ءِ 135 ارب کلدار ءِ منصوبگ ھوار کنگ بوتگ انت۔ بنجاھی وزیر ءَ گلگت ءَ سر وزیر خالد خورشید ءُ صوبائی وزیر آنی ھمبراھی ءَ پریس کانفرنس ءَ گوں گشتانک دیان ء۔ گوشت کہ پی ایس ڈی پی ءِ منظور کتگیں منصوبگ آنی واستہ گوزوکیں سال 56 ارب کلدار گیشینتگ انت۔ اے منصوبگ آنی تہ ءَ گانچھے پاور پراجیکٹ ، داریل تانگیر ایکسپریس وے ، میڈیکل اینڈ میگا منصوبگ ھوار انت آئی ءَ گوشت کہ گلگت بلتستان ءِ الس آناں ٹیلی رسانک ءِ جدیدیں آسراتی ءِ پجاری ءِ واستہ یونیورسل سروس فنڈ ءُ اگنائٹ ءَ را ھم جی بی ءَ تاں شاھیگانی کنگ بوتگ۔ سر وزیر ءَ گوشت کہ بنجاھی حکومت ءَ گلگت بلتستان ءِ واستہ پی ایس ڈی پی ءِ منصوبگ آنی واستہ ایلوکیشن دو ارب ءَ چہ گیش ودینان ءَ دھ ارب کنگ بوتگ۔ پیسریگیں حکومت ءَ ایوک ءَ بٹاک جنگ ءَ ابید اچ نہ کتگ۔
