کوئٹہ۔ 18جون (اے پی پی)ساڑی حکومت صوبہ نا تاریخ اٹی اولیکو وار 5.914بلین روپئی نا خڑچ آن بلوچستان ہیلتھ کارڈ پروگرام نا بناءِ کننگ ءِ ہرانا رداٹ کم و ود 18لکھ 75ہزار خاہوت آتا غٹ بندغ آتے 10لکھ مالیت اسکان مفت درمان دوبریک و غریب و نادار خاہوت آتے گچین طبی آسراتی بالکل مفت دوبننگ کیک و او کبین آن کبین درمان پینل آ ساڑی ہسپتال آتیان کرفنگ کیرہ۔ ننا حکومت محکمہ جان جوڑی ٹی پوسکن آ اصلاحات اتنگ کن اودے اِرابشخ آتے ٹی بشخانے ہراٹی اسہ محکمہ پرائمری و سکینڈری ہیلتھ کیئر وخت اس کہ ایلو اسپیشلائز ڈ ہیلتھ کیئرو میڈیکل ایجوکیشن اوار ءُ۔ ہرانا بنداوی مسخت جان جوڑی نا بشخ اٹی جم وڑاٹ گچینی اتنگ ءِ۔ مالی سال 2021-22اٹی بولان میڈیکل کالج اٹ اِرا پوسکن ءُ ہاسٹل آتا تفنگ کن 200ملین روپئی تخنگانے۔ چلڈرن ہسپتال کوئٹہ نا ودکی کن 500ملین روپئی تخنگانے و بروک آ مالی سال 2021-22کن 100ملین روپئی جتا کننگانے۔ 700ملین روپئی نا خڑچ آن صوبہ نا 7ضلع غاتا ڈاکٹر آتا ہنکینی ہند آتا تفنگ کن مالی سال 2021-22اٹی 100ملین روپئی تخنگانے۔ صوبہ ٹی میڈیکل نا تعلیم کن 12.104بلین روپئی نا خڑچ آن میڈیکل کالجز ہرافتے ٹی تربت، لورالائی وخضدار میڈیکل کالجز اوار ءُُ،م ہرافتیا شونداری کاریم ترندی اٹ برجاءِ، داتم اسکان دامد اٹ 1.761بلین روپئی خڑچ کننگانے۔ صوبہ نا تاریخ اٹ اولیکو وار 1.396بلین روپئی نا خڑچ آن میڈیکل ڈینٹل کالج نا جوڑ کننگ نا ڈٹ آ شونداری کاریم ترندی اٹ برجاءِ۔ہراڑکن داتم اسکان 295.00ملین روپئی جاری کننگانے۔ مالی سال 2021-22کن صوبہ ٹی خذمت سرتروک آ چندی طبی ادارہ غاتے گرانٹ ان ایڈ انا مد اٹی 1.450بلین روپئی جتا کننگانے۔ ہرافتے ٹی چلڈرن ہسپتال کوئٹہ، جی ڈی اے ہسپتال گوادر، لیڈی ڈفرن ہسپتال کوئٹہ، پی پی ایل ویلفیئر ہسپتال سوئی، کوئٹہ انسٹیٹیوٹ آف میڈیکل سائنسز، سیف بلڈ اتھارٹی ابراہیم آئی ہسپتال خاران، جام شفاء ہسپتال کوئٹہ، نواب غوث بخش رئیسانی میموریل ہسپتال مستونگ، انڈس ہسپتال کراچی اوار ءُ۔ پوسکن آ مالی سال اٹی غٹ سرکاری ہسپتال آتے ٹی پرچی فیس (OPD Slip Fee) ءِ چٹفنگ انگ ءِ۔ ساڑی حکومت 33پوسکن آ BHUs اس جوڑ کننگ انگ ءِ ہرا ہرضلع ٹی جوڑ کننگک۔ داکان بیدس مچ آ صوبہ ٹی 33ساڑیBHUsءِ اپ گریڈ کرسا RHC نا درجہ تننگک۔ وخت اس کہ 5ضلع غاتے ٹیDHQsہسپتال جوڑ کننگ انگ ءِ ہرافتے ٹی صحبت پور، شیرانی، بارکھان، دکی و ڈیرہ اللہ یاراوار ءُ۔ پوسکن آ مالی سال 2021-22اٹی شعبہ جان جوڑی کن کم وود 750پوسکن ءُ آسامی تخنگانے۔ جم وڑاٹ مالی سال 2021-22اٹی جان جوڑی نا بشخ ءِ پین گچین کننگ کن حکومت غیر شونداری فنڈ اٹی 44.694بلین روپئی تخانے وخت اس کہ شونداری مد اٹ 11.884بلین روپئی جتاکرینے۔
