برجامالی سال انا کل بجٹ انابنائی کساس 465.528بلین روپئی ئس، نظرثانی مروک بجٹ سال 2020-21نا کساس 387.016بلین روپئی مسنے، صوبائی وزیر خزانہ میر ظہور احمد بلیدی

کوئٹہ۔ 18جون (اے پی پی) صوبائی وزیر خزانہ میر ظہور احمد بلیدی بروک آ مالی سال انا بجٹ 2021-22نا بجٹ ءِ پیش کرسا پارینے کہ مست آن مناسب مریک کہ ساڑی مالی سال 2021-22نا نظرثانی مروک بجٹ ءِ شرفمند آ ایوان نا مون آ پیش کننگے اوکان پد شرفمند آ ایوان ءِ ساڑی آ صوبائی حکومت نا پوسکن آ مالی سال 2021-22نا گام گیج آتا بارواٹ معلومدار کیوہ۔ برجامالی سال انا کل بجٹ انابنائی کساس 465.528بلین روپئی ئس۔ نظرثانی مروک بجٹ سال 2020-21نا کساس 387.016بلین روپئی مسنے۔ مالی سال 2020-21نا اخراجات جاریہ نا کساس 309.032بلین روپئی ئس ہرانظرثانی مروک کساس اٹ کم مرسا 282.371بلین روپئی رہینگانے۔ مالی سال 2020-21ء نا شونداری خڑچ آتا کساس 118.256بلین روپئی ئس ہرا نظرثانی مروک کساس اٹ کم مرسا 80.499بلین روپئی مسنے۔ ہراٹی 968برجاشونداری اسکیم تیکن 48.992بلین روپئی وخت اس کہ 1774پوسکن آ شونداری اسکیم تیکن 31.507بلین روپئی جاری کننگانے۔ صوبائی وزیر خزانہ میر ظہور احمد بلیدی پارے کہ شرفمند آ ایوان نا مون آ مالی سال 2021-22نا بجٹ نا بنداوی خدوخال ءِ پیش کننگ خواوہ۔ اوپارے کہ بروک آ مالی سال 2021-22نا غیر شونداری بجٹ نا کل کچ 346.861بلین روپئی ءِ۔ وخت اس کہ شونداری بجٹ پی ایس ڈی پی نا کل کچ 189.196بلین روپئی بشمول 16.661بلین روپئی ایف پی اے اوار ءِ۔ ڈویلپمنٹ گرانٹس (Frderal Funded Projects)نا مد اٹ 48.025بلین روپئی صوبائی شونداری پروگرام آن بیدس ءُ۔ برجاشونداری اسکیم تا کل کچ 1525ہراڑکن 112.545بلین روپئی جتا کننگانے۔ پوسکن آ شونداری اسکیم تا کل کچ 2286ہراڑکن 76.651بلین روپئی جتا کننگانے۔ مالی سال 2021-22بلوچستان نا ورناتے کن روزگار نا وارخواہی ودی کننگ کن چندی محکمہ غاتے ٹی 5854آن زیات پوسکن ءُ آسانی ودی کننگانے۔ صوبائی وزیرخزانہ میر ظہور احمد بلیدی پارے کہ ساڑی حکومت صوبہ ٹی مالی ضابطگی نا گچینی کن مالی سالی 2020-21نا فنانس بل انا کمک اٹ آئینی گرج آتا رداٹ آئین پاکستان نا آرٹیکل 119نا رداٹ بلوچستان پبلک فنانس مینجمنٹ ایکٹ درستی راستی کرفسا ایلو صوبہ غاتیان سبقت دوئی کرے ہرااعزاز اسے آن کم اف۔ دااہم کانود سازی آن مالی عمل و بجٹ سازی ءِ سہی سمت اس ملانے۔ یات سلے دا ایکٹ آن السی وسیلہ غاتا سفاف کاریم اٹ اتنگ ءِ پک کننگ انگ ءِ۔ مالی نظم وضبط گچین وڑاٹ ممکن مسنے ہراڑے شفافیت و پوسکن آ اصلاحات نا غٹ راہشون اسول آتے تینا کننگ انگ ءِ۔ داتاریخی کانود سازی آن صوبہ ٹی جامع حکمت عملی نا رداٹ پبلک سروس ڈیلیوری و غیر شونداری بجٹ تون اوار شونداری ڈٹ آتے ٹی گچین طرز عمل، گچین جواب دہی، وسیلہ غاتا ساف بشخنگ و ادارہ جاتی گچینی مون آ بسنے ہرادے درور مہالو اسل مون آ بتنے۔