تاریخی و السی بجٹ اس پیش کننگ والا اُن، بلوچستان نا شونداری و شونہالی ءِ مون آ تخسا بجٹ ءِ جوڑ کننگانے، ترجمان حکومت بلوچستان لیاقت شاہوانی

کوئٹہ۔ 18جون (اے پی پی) ترجمان بلوچستان حکومت لیاقت شاہوانی پارینے کہ تاریخی و السی بجٹ اس پیش کننگ والااُن، بلوچستان نا شونداری و شونہالی ءِ مون آ تخسا بجٹ ءِ جوڑ کننگانے، تدوک آ سال 2700کلومیٹر وخت اس کہ اینخو سال سڑک آتا 3000کلومیٹر جال اس تالان کننگ انگ ءِ، ہرضلع ٹی ہائیر سکینڈری اسکول تفنگک، پوسکن آ دیر انا کمتی ءِ پورو کننگ کن ڈیم تفنگ و پوسکن ءُ آسامی تخلیق کننگ والا اُن، بلوچستان اٹی جمہوریت نا دعویدار آک روایت آتا پاسداری ءِ کتور و داسہ پروپیگنڈا کننگ انگ ءِ۔ داخیال آتا درشانی ءِ او میڈیا نا نمائندہ غاتون گپ وتران کرسا کرے۔ ترجمان حکومت بلوچستان لیاقت شاہوانی پارے کہ بلوچستان اسمبلی ٹی اسہ باسک اسے آہم پابندی خلنگتنے، اوپارے کہ اپوزیشن جماعت آک اگہ بجٹ آ کاریم کرینو تو سلاہ اتیر، اومستی پارے کہ 360دے چپ مروک آ اپوزیشن باسک آک بجٹ خڑک بریک روڈ آتیا نظربریرہ۔ حکومت جعلی ڈٹ آتے چٹفسا کرپشن نا کسر ءِ بند کرینے، اوپارے کہ اپوزیشن نا اسہ حلقہ اسے ہم گوجالنگ انگ اف، غٹ حلقہ غاتے ٹی کاریم مننگ ءِ، اوپارے کہ حکومت اپوزیشن نا گچین سلاہ تیا عمل کرینے۔ اپوزیشن جماعت آک بلوچستان اسمبلی نا روایت آتے پامال کپس۔