وزیراعلیٰ بلوچستان جام کمال خان نا کماشی ٹی صوبائی کابینہ نا دیوان، کابینہ بروک آ مالی سال انا شونداری و غیر شونداری بجٹ و سالانہ شونداری پروگرام تا منظوری ءِ تس

کوئٹہ۔ 18جون (اے پی پی) وزیراعلیٰ بلوچستان جام کمال خان نا کماشی ٹی صوبائی کابینہ نا دیوان، کابینہ بروک آ مالی سال انا شونداری و غیر شونداری بجٹ و سالانہ شونداری پروگرام تا منظوری ءِ تس۔ دیوان اٹی ایڈیشنل چیف سیکرٹری ڈٹ بندی و شونداری حافظ عبدالباسط سلاہ ئی سالانہ شونداری پروگرام آ حوال تس۔ سیکرٹری خزانہ پسند خان بلیدی نا کابینہ ءِ بجٹ کساس، محاصل و خڑچ و مالی نظم و ضبط انا بابت حوال ہم تس۔ کابینہ نا کنڈآن بریبر بجٹ نا تیاری آ وزیراعلیٰ نا وژن آ و محکمہ پی اینڈ ڈی و محکمہ خزانہ نا کارکڑد نا ستا و مبارکبادیپیش کرے، وزیراعلیٰ بلوچستان پارے کہ بجٹ نا تیاری ٹی غٹ سنگت آتا سلابت اوار ءِ۔ اسہ الس دوست بریبر بجٹ اس تین تون دننگ اُن۔ اوپارے کہ بروک آ مالی سال اٹی ہم مالی نظم و ضبط ءِ پک کینہ۔ بجٹ اٹ صوبہ نا محاصل اٹی ودکی اولیت ءِ۔ وزیراعلیٰ پارے کہ کابینہ نا سنگت آتا پت آ اوفتا منت واراُٹ۔