اسلام آباد۔ 18جون (اے پی پی) توانائی نا وڑوڈول آتے پوسکن کننگ نا کچ ءِ ودفنگ نا مشن، وزارت توانائی وجرمن ادارہ جی آئی زیڈ نا نیام اٹ معاہدہ پک مس۔ ڈٹ انا مسخت پاکستان اٹ تونائی نا گدریفنگ اٹ گچین کڑد ادا کننگ ءِ۔ جرمن ادارہ جی آئی زیڈ پاکستان اٹ توانائی ءِ پوسکن وڑوڈول آتا کچ انا ڈٹ انا بناءِ کیک وداڈٹ آ81لکھ یورو خڑچ بریک، معاہدہ نا رداٹ قابل تجدید و توانائی بچت ڈٹ آعملدرآمد ءِ پک کننگک۔ ترجمان پاور ڈویژن نا رداٹ جی آئی زیڈ وزارت انرجی و گیگ بدل توانائی بورڈ ءِ ٹیکنیکل کمک فراوان کیک، معاہدہ نا رداٹ جرمن ادارہ بی ایم زیڈ 81لکھ یورو فراوان کیک۔ معاہدہ نا دود آن تران کرسا سیکرٹری پاور ڈویژن علی رضابھٹہ پارے کہ حکومت بجلی نا پیدواری لائخی تے گیگ بدل ذریعہ غا گدریفنگ ءِ۔ مشترکہ مفادات کونسل آن منظور مروک آ پوسکن آ گیگ بدل توانائی پالیسی ملکی توانائی نا بشخ اٹی اسہ مزل اسے۔ جی آئی زیڈ و وزارت توانائی نا نیام اٹ کمکاری آن گیگ بدل ذریعہ اٹ پیدوار اٹ گچینی اتنگ اٹ کمک رسینگک۔ سیکرٹری پاور پارے کہ ساڑی آ 6درسد گیگ بدل توانائی نا پیدوار ءِ 2025درسد اسکان اتنگک وخت اس کہ گیگ بدل توانائی نا پیدوار 2030اسکان کل پیدوار نا 30درسد مریک۔ داوخت آ جی آئی زیڈ نا کنٹری ڈائریکٹر ٹوبیاس بیکر پارے کہ ڈٹ آن شفاف انرجی آ سیبو ودک، شمسی توانائی نا پیدوار نیشنل گریڈ و خلقی علاقہ غاتے فراوان مریک۔ معاہدہ غان کلین انرجی ٹیکنالوجی نا شونداری ٹی کمک رسینگک و دا ڈٹ پاکستان نا خلقی آ علاقہ غاتے ٹی بجلی فراوانی نا حکمت عملی ٹی کمک فراوان کیک۔ ٹوبیاس بیکر پارے کہ پاکستان جرمنی قابل تجدید توانائی فورم تینا کمکاری ءِ برجاتخک۔
