بجٹ اٹ بلوچستان کن ارب آ روپئی نا فنڈ جتا کننگانے، وزیراعظم عمران خان محسن بلوچستان ءِ، سینیٹر دنیش کمار

اسلام آباد۔ 18جون (اے پی پی) پاکستان تحریک انصاف نا سینیٹر دنیش کمار پارینے کہ بجٹ اٹ بلوچستان کن ارب آ روپئی نا فنڈ جتا کننگانے، وزیراعظم عمران خان محسن بلوچستان ءِ۔ جمعہ نا دے آ بڑزکو ایوان نا دیوان اٹی بروک آ مالی سال 2021-22ء نا بجٹ آ شرہ ٹی بشخ ہلسا اوپارے کہ ساڑی آ بجٹ اٹ شونداری ڈٹ آتے کن 900ارب روپئی جتا کننگانے، بجٹ اٹ سویلی بلوچستان کن ارب آ روپئی تخنگانے، دابجٹ صوبائی حکومت ءِ پت اٹ ہلسا جوڑ کننگانے۔ اوپارے کہ دابجٹ اٹ بلوچستان ءِ اونا حق تننگانے، قطبی بلوچستان کن ارب آ روپئی جتا کننگانے، بلوچستان نا یونیورسٹی تیکن بھلو فنڈ اس جتا کننگانے۔ اوپارے کہ بلوچستان اٹی 20گھنٹہ نا لوڈ شیڈنگ مننگ ءِ دانا چٹفنگ کن گام گیج کننگے۔ اوپارے کہ بلوچستان نا الس پاک فوج اتون ہم کوپہ سلوک ءِ۔