اسلام آباد۔ 18جون (اے پی پی) وزیر مملکت حوالکاری و شینکاری فرخ حبیب و وزیراعظم نا سلاہکار پارلیمانی امور ڈاکٹر بابراعوان ئسک پارینو کہ اِرادے اٹی قومی اسمبلی ٹی پاس مروک آ کانود آتے پدی ہلنگ مفک، غٹ رول و پروسیس آتے پورو کننگ آن پد دا کانود ءِ بڑزکوایوان آ گدریفنگانے، میثاق جمہوریت اٹ (ن) لیگ و پیپلزپارٹی سینیٹ نا گچین کاری تے اوپن بیلٹ اٹ کرفنگ آ امنا کیرہ۔ ولے 10سال اٹی داڑآ عملدرآمد کتور، حکومت سپریم کورٹ نا الیکشن اصلاحات و پیشن نا ملک پاکستانی تے وونٹ انا حق تننگ نا فیصلہ غاتیا عمل کرینے، الیکٹرانک وونٹنگ مشینک تیاری نا گڈیکو ریسہ غاتے ٹی ءُ۔اوفک جمعہ نادے آ پی آئی ڈی ٹی اسیجائی پریس کانفرنس آن تران کریرہ۔ وزیر مملکت حوالکاری و شینکاری فرخ حبیب پارے کہ گچین کاری اصلاحات آ بل پاس مسنے اوڑآ اپوزیشن نا رویہ است ہسون ئس، ہرملک انا سوگو جمہوریت نا بنداو ساف و شفاف گچین کاری تیا مریک۔ اوپارے کہ کرکٹ اٹ نیوٹرل ایمپائر عمران خان ایس، عمران خان گچین کاری تیٹی دھاندلی نا شور ءِ چٹفنگ خواہک۔ اوپارے کہ 2013ء نا گچین کاری تیٹی پیپلزپارٹی، جے یو آئی تون اوار غٹ پارٹی تا اعتراض ئسر، پی ٹی آئی ہم اوڑآ پبی توار بڑزکرے۔ اوپارے کہ میثاق جمہوریت اٹ ن لیگ و پیپلزپارٹی سینیٹ نا گچین کاری تے اوپن بیلٹ اٹ کرفنگ آ امنا کیرہ ولے 10سال اٹی داڑآ عملدرآمد کتور، داانتس کہ پارہ اووڑ کپسہ، بغل اٹ چاقو و باٹی ہنین توریرہ تینے۔ اوپارے کہ 2008آن 10,2018سالہ حکومت اٹ ن لیگ و پیپلزپارٹی اسہ ایلونا برخلاف ایوان اٹ واک آؤٹ، بائیکاٹ یالیٹربازی کرینو، اوپارے کہ 2019-20آن تموک آ بل آتے پروسیس نا کمک اٹ پاس کرفینن، اپوزیشن ءِ بیرہ این آر او بل اٹ است خواہی ءِ، ہرااوفتے ملیپک۔ اوپارے کہ حکومت سینئر سیاست دان، اسپیکر قومی اسمبلی اپوزیشن تون رابطہ کریر ولے اپوزیشن نا رویہ بے کمکاری ئس۔ اوپارے کہ ننے پارلیمنٹ نا فورم نا درس تروک آک اینو ادارہ غاتے ٹی ہِننگ ءِ اولیت تننگ ءُ، ساف و شفاف گچین کاری المی ءِ۔ اوورسیز پاکستانیک اولیکو 11تُواٹی 45سد ارب روپئی پاکستان آ گدریفینو، اوورسیز تا بابت اپوزیشن نا عمل غیرمناسب ءِ۔ اوپارے کہ ن لیگ انا وزیرآک تینا دور تے ٹی اقامہ ہلکوسر اوفتے اوورسیز پاکستانی تیا اعتراض آن مست تینا زنچک اٹ ہلوسر ہروسر۔ سلاہکار پارلیمانی امور ڈاکٹر بابر اعوان پارے کہ تدوک آ اِرا، مسہ دے اٹی ہندن ءُ ڈویلپمنٹ اس مسنے ہرانا بارواٹ عمران خان و حکومت نا موقف ءِ قوم انا مون آ تخنگ بھاز المی ءِ۔ پاکستان نا تاریخ اٹ اسہ ریکارڈ اس جوڑ مس، اسہ دے اٹی 12بل و ارٹ میکو دے 21کانود پاس کرین، زالبول آتون ظلم انا برخلاف، پیشن نا ملک پاکستانی ہرااسل محسن ءُ نا بابت بل ہم اوار ارے۔
