اسلام آباد۔ 18جون (اے پی پی) وزیراعظم عمران خان جمعہ نادے آ داسو ڈیم انا دورہ ءِ کیک۔ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم داسو ڈیم آ برجا تعمیراتی کاریم نا جاچ ءِ ہلیک۔ داسوڈیم فیزون 2025ء ٹی پورو مرسا نیشنل گریڈ اٹی 2160میگاواٹ نا فراوانی نا بناءِ کیک وخت ا س کہ 2029ء ٹی فیز ٹو انا پورو مننگ آن پد ڈیم …
وزیراعظم عمران خان جمعہ نادے آ داسوڈیم انا دورہ ءِ کیک
گیشتریں ھال
اسلام آباد۔ 18جون (اے پی پی) وزیراعظم عمران خان جمعہ نادے آ داسو ڈیم انا دورہ ءِ کیک۔ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم داسو ڈیم آ برجا تعمیراتی کاریم نا جاچ ءِ ہلیک۔ داسوڈیم فیزون 2025ء ٹی پورو مرسا نیشنل گریڈ اٹی 2160میگاواٹ نا فراوانی نا بناءِ کیک وخت ا س کہ 2029ء ٹی فیز ٹو انا پورو مننگ آن پد ڈیم انا کچ 4320میگاواٹ مریک۔ وزیراعظم عمران خان نا پاور سیکٹر اصلاحات و ملکی دیر انا وسیلہ غاتا گچین کاریم اٹ اتنگ نا ویژن نا رداٹ ساڑی آ دور حکومت اٹ داسو ڈیم آ کاریم نا رفتار ءِ ودفنگا۔ ڈیم انا تفنگ کن ڈغار نا ہلنگ نا کاریم ءِ پورو کننگا و کورونا نا دین آن پد ہم ایس او پی تیا عملدرآمد کرسا ڈیم انا تفنگ برجاءِ۔ داوخت آ وزیراعظم ڈیم آ کاریم کروک آدرملکی انجینئر و مزور آتون ہم ہیت کیک۔
