اسلام آباد۔17جون (اے پی پی):احساس ایجوکیشن سی سی ٹی اسٹیئرنگ کمیٹی ءِ نیمگ ءَ سیکنڈری وانگ ءُ زانگ ءِ واستہ وظیفہ ءِ منظوری داتگ۔ ڈاکٹر ثانیہ نشتر ءِ سروکی ءَ احساس ایجوکیشن مالی کمکی پروگرام (سی سی ٹی) ءِ اسٹیئرنگ کمیٹی ءِ دیوان برجم دارگ بوت۔ اسٹیئرنگ کمیٹی ءَ را پرائمری ایجوکیشن سی سی ٹی پروگرام وسیلہ وانگ ءُ زانگ ڈیجیٹل ءَ چہ سکینڈری تک ءَ گیش ودینگ ءِ ھوالگ ءَ بریفنگ دیگ بوت۔ اے پروگرام آیوکیں مالی سال ءِ اولی سئے ماہ ءَ ملک ءِ توامیں ضلع آنی تہ ءَ بندات کنگ ءِ واستہ تیار آں، چاریں صوبگ آں ھوار جی بی ءُ اے جے ءِ نماھند آنی سکینڈری وانگ ءُ زانگ ءِ واستہ وظیفہ ءَ را ودینگ ءِ ھوالگ ءَ دیوان ءَ بھر زوری کت۔ اے گپ ءِ سرجمیں رنگ ءَ منظوری کنگ بوتگ کہ احساس پروگرام ءِ چیر دستی ءَ سکینڈری وانگ ءُ زانگ سی سی ٹی ءِ بنگیج ءَ چہ سکول حاضری ءَ گیشی، سکول ءَ نہ رئوکیں زھگ ھاسیں رنگ ءَ جنک آنی سکول ءَ داخلہ کنگ ءَ چہ بے وانندگی ءِ تہ ءَ کمی کئیت۔ ڈاکٹر ثانیہ نشتر ءَ گوشت کہ سیکینڈری ایجوکیشن سی سی ٹی گریب ھانداسن آناں سکینڈری وانگ ءُ زانگ ءِ در جنگ ءِ واستہ استیں مالی مشکل آناں گر ءُ دار کنگ ءَ کمک رسیت۔
