اسلام آباد۔17جون (اے پی پی): بنجاھی وزیر اھوالکاری ءُ شنگ کاری چوہدری فواد حسین ءُ وزیر ءِ دیمپانی پرویز خٹک ءَ گوشت کہ اسمبلی دیوان ءَ کشاں چیل ءَ چہ پارلیمان ءِ سُبکی بوتگ، سیاستدان اے گپ ءِ ھوالگ ءَ دل تپروکا انت۔ اے رنگیں جاور باید انت کہ مہ بیت ایشی ءَ چہ ادارگ فنکشنل مہ بیت، حکومت ءُ اپوزیشن وت مہ وت منوگر بوتگ انت، دیوان ءَ را جوانیں رنگ ءَ برجمینگ بہ بیت۔ 186 باسک آں سپیکر ءُ ڈپٹی اسپیکر ءَ دل یکیمی داتگ۔ بجٹ آسانی ءَ گوں منظور بیت، اپوزیشن ءَ را پیسر ءَ ھم گوشتگ کہ آ الیکٹورل ریفارمز ءُ جوڈیشنل ریفامز ءِ سر ءَ گپ بجن انت۔ اے گپ آئی ءَ پنچ شمبے ءِ روچ ءَ پارلیمنٹ گس ءَ میڈیا ءَ گوں تران کنان ءَ کت ۔ بنجاھی وزیر اھوالکاری ءُ شنگ کاری فواد حسین ءَ گوشت کہ مرچی حکومت ءُ اپوزیشن ءِ نیام ءَ سرجمیں گپ بوتگ، گپ ءُ تران ءَ حکومت ءِ نیمگ ءَ پرویز خٹک، اسد عمر، علی محمد خان، عامر ڈوگر ءُ آ وت وھدیکہ مسلم لیگ (ن) ءِ نیمگ ءَ رانا ثناءاللہ، ایاز صادق ءُ رانا تنویر ءُ پیپلز پارٹی ءِ نیمگ ءَ راجہ پرویز اشرف ءُ شازیہ مری ھوار اتنت۔ آئی ءَ گوشت کہ گپ ءُ تران ءَ توامیں جیڈھ آنی سر ءَ تران بوتگ ءُ تپاک بوتگ کہ اسمبلی ءِ توک ءَ انچیں جاور پیداک مہ بیت کہ ایشی ءَ چہ ادارگ فکشنل مہ بنت، اسمبلی ءِ اندر ءَ کشاں چیل ءَ چہ پارلیمان ءِ سُبکی بوتگ، ایشی ءَ چہ سیاستدان چم جھل انت۔
