ملتان۔17جون (اے پی پی): بنجاھی وزیر نیشنل فوڈ سیکورٹی ءُ ریسرچ سید فخر امام ءَ گوشت کہ مارا امب ءِ انچیں کوالٹی پٹ ءُ پول کنگ ءِ ضلورت انت کہ ھما وانی دگنیا ءَ لوٹ بہ بیت۔ آئی ءَ ویلیو ایڈیشن ءِ سر ءَ تران کنان ءَ گوشت کہ مارا گیشاں چہ گیش ڈرائی مینگو، مینگو ٹافی، مینگو لیدر جوڑ کنگ لوٹ ایت تانکہ دھکان ءِ ازمت ءُ محنت زیان مہ بیت۔ ءُ گیشاں چہ گیش سیت دھکان ءَ بہ رس ایت۔ اے ھیالانی درشانی آئی ءَ امب ءِ جتا جتائیں ملک آںی ایکسپورٹ ءَ را گیش کنگ ءِ واستہ ایم این ایس “زرعی یونیورسٹی ملتان ءُ سنٹر فار گلوبل سٹرٹیجک سٹڈیز اسلام آباد” ءِ یکجائی ءَ گوں انٹرنیشنل آن لائن سیمینار ءَ گوں گشتانک دیان ءَ کت۔ سیمینار ءَ 20 ملک آں چہ گیش ایمبیسیڈر ءُ آوانی سروک آں بھر زوری کت ایشی ءِ تہ ءَ چین ، جرمنی، ازبکستان، آزربائیجان، روس ، انڈونیشیا، بنگلہ دیشن ، تاجکستان ، اومان ، ملائیشیا ءُ کینیڈا ءَ ھوار ایندگر بازیں ملک ھوار اتنت۔
