اسلام آباد۔ 17جون (اے پی پی) وزیراعظم عمران خان پارت کرینے کہ گچین کاری اصلاحات، الیکٹرانک وونٹنگ و اوورسیز پاکستانی تے حق رائے دہی تننگ نا عمل ءِ زوت پورو کننگے۔ پنچ شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ داپارت ءِ او پنچ شنبے نادے آ الیکٹرانک وونٹنگ مشین نا کاریم اٹ اتنگ نا بابت اڈہلوک آ حوال اٹی تس۔ حوال اٹی وزیر سائنس اینڈ ٹیکنالوجی شبلی فراز، سینیٹ اٹی قائد ایوان ڈاکٹر شہزاد وسیم، وزیرریلوائی اعظم خان سواتی، وزیر مملکت حوالکاری و شینکاری فرخ حبیب و وزیراعظم نا سلاہکارپارلیمانی امور بابراعوان ئسک ساڑی ئسر۔ وزیراعظم ءِ گچین کاری اصلاحات نا رداٹ الیکٹرانک وونٹنگ مشین نا کاریم اٹ اتنگ و کانود جوڑ کننگ نا بابت داتم اسکان مروک آ پیش رفت آ سرجم حوال تننگا۔ وزیراعظم عمران خان الیکٹرانک وونٹنگ مشین نا گچین کاری عمل اٹ کاریم اٹ اتنگ اٹ شفافیت و غٹ آئینی خواست آتے پورو کننگ نا پارت کرسا تینا عزم انا درشانی ءِ کرے کہ ساڑی حکومت ملک انا گچین کاری عمل اٹ شفافیت ءِ پک کننگ نا بابت سنبرینگوک ءِ۔ اوپارے کہ گچین کاری عمل اٹ دھاندلی ءِ توننگ و شفافیت ءِ پک کننگ کن الیکٹرانک وونٹنگ مشین نا کاریم اٹ اتنگ اسٹ انگا آپشن ءِ۔ وزیراعظم پارے کہ اوورسیز پاکستانیک ملک انا میرات ءُ اوفتے گچین کاری عمل اٹ المی شریک کینہ۔ اوپارت کرے کہ گچین کاری اصلاحات، الیکٹرانک وونٹنگ و اوورسیز پاکستانی تے حق رائے دہی نا عمل ءِ زوت پورو کننگے۔
