اسلام آباد۔ 17جون (اے پی پی) وزیراعظم عمران خان دیر انا کمتی و بھلا شارتیٹی ویسٹ واٹر ٹریٹمنٹ پلانٹ آتا اہمیت آ زور شاغسا پارینے کہ دیر انا کمتی ءِ پورو کننگ و واٹر ٹریٹمنٹ پلانٹ آتے کن پوسکن آ ٹیکنالوجی ءِ کاریم اٹ اتنگ المی ءِ۔ وزیراعظم آفس نا میڈیا ونگ آن جاری بیان نا رداٹ داخیا ل آتا درشانی ءِ او پنچ شنبے نادے آ راوی اربن سٹی و سنٹرل بزنس ڈسٹرکٹ ڈٹ آ پیش رفت انا بابت دیوان نا کماشی ءِ کرسا کرے۔ دیوان اٹی وزیرخزانہ شوکت ترین، خصوصی کمکار ڈاکٹر شہباز گل، چیئرمین نیا پاکستان ہاؤسنگ اتھارٹی لیفٹیننٹ جنرل (ر) انورعلی حیدر، سی ای او راوی اربن ڈویلپمنٹ اتھارٹی عمران امین، وائس چیئرمین ایل ڈی اے ایس ایم عمران و سینئر آفیسر آک ساڑی ئسر۔ دیوان اٹی دا ہڑتوم آ اہم ڈٹ آتے ٹی مروک آ پیش رفت آ سرجم حوال تننگا۔ دیوان ءِ پاننگاکہ سیفائربے ٹی شونداری کاریم بروک آ ہفتہ کنٹریکٹ جاری کننگ آن پد زوت بناکننگک۔ انڈسٹریل زون انا بابت منظوری نا عمل ہم جون اٹ پورو مریک اوکان پد انفراسٹرکچر نا تفنگ نا کاریم نا بناءِ کننگک۔ راوی سٹی ٹی اقرایونیورسٹی، UMT و ISCتینا کیمپس جوڑ کیک۔ اقرایونیورسٹی تینا کیمپس تون اوار اوار ہسپتال نا تفنگ اٹ ہم است خواہی ظاہرکرینے۔ دیوان ءِ راوی سٹی ٹی واسا نامسہ واٹرٹریٹمنٹ پلانٹ آتا گدریفنگ و ویسٹ واٹر ٹریٹمنٹ کن پوسکن آ ٹیکنالوجی نا کاریم اٹ اتنگ آہم حوال تننگا۔ بشخ ہلوک آتے جوڈیشل واٹرکمیشن نا کنڈآن انوائر نمنٹل پروٹیکشن ایجنسی ءِ راوی سٹی ڈٹ اکن منظوری نا عمل ءِ زوت پورو کننگ نا پارت آتا بارواٹ ہم معلومدار کرے۔ بشخ ہلوک آتے ہندی مخلوق کن راوی سٹی ڈٹ انا فائدہ غاتا بابت حوال ترسا معلومدار کننگاکہ ڈٹ اٹی ہندی آبادی کن ملازمت آتا کوٹہ جتا کننگانے۔ بنائی وڑاٹ اسہ لکھ ہندی خاہوت آتے داڈٹ آن روزگار ناوارخواہی دوبریک۔ داکان بیدس درمان نا بابت ہندی بندغ آتے درمان نا خڑچ آتے ٹی 50درسد رعایت دوئی مریک۔ وزیراعظم دیر انا کمتی و خاص وڑاٹ لاہور کون آ بھلا شارتے ٹی ویسٹ واٹر ٹریٹمنٹ پلانٹ نا اہمیت آ زور شاغساپارے کہ دیر انا کمتی ءِ پورو کننگ و واٹرٹریٹمنٹ پلانٹ آتے کن پوسکن آ ٹیکنالوجی نا کاریم اٹ اتنگ المی ءِ۔ وزیراعظم واٹرٹریٹمنٹ و ویسٹ واٹر ڈسپوزل نا رداٹ اسہ مربوط و جامع حکمت عملی مرتب کننگ نا پارت کرے تانکہ شاری آبادی ءِ ساف و وافر دیر انا فراوانی تون اوار اوار کشاری مسخت آتے کن ہم ودکی دیر انا فراوانی ءِ پک کننگ مرے۔ دیوان ءِ سینٹرل بزنس ڈسٹرکٹ ڈٹ آ پیش رفت نا بابت حوال ترساپاننگاکہ دا ڈٹ اٹ نیلامی ناعمل جولائی 2021نا اولیکو ہفتہ ٹی بناکننگک۔ سینٹرل بزنس ڈسٹرکٹ ڈٹ انا بابت بورڈ اس جوڑ مسنے۔ نیسپاک و ایف ڈبلیو او آن ڈیزین نا بابت کمکاری برجاءِ و شونداری کاریم نا بناءِ بروک آ ہفتہ غان کننگ انگ ءِ۔
