کوئٹہ۔ 17جون (اے پی پی) بلوچستان زرکاری بورڈ انا چیف ایگزیکٹیو سعید احمد سرپرہ اسلام آباد اٹی کرغزستان نا سفیر (Erik Bieshembiev)تون اونا دفتراٹی اوڑدہی کرے۔ داوخت آ صوبہ نا چنندی بشخ آتے ٹی ساڑی زرکاری نا وارخواہی و تین پہ تینی کمکاری نا مون آ دننگ آ گپ وتران کننگا، کرغزستان نا سفیر بلوچستان نا زرکارآتے کرغزستان نا ودرہ نا سلہ خلک وخت اس کہ کرغزستان نا زرکارآک ہم بلوچستان نادورہ ءِ کیرہ۔ اواومیت ظاہر کرے کہ تین پہ تینی کمکاری ءِ مون آدنننگ کن گام گیج کننگک۔ خاص وڑاٹ شنگھائی کمکار تنظیم نا پلیٹ فارم آن بلوچستان تون واپار اٹ آسانی مریک، اواومیت ظاہرکرے کہ او زوت کوئٹہ نا دورہ ءِ کرسا وزیراعلیٰ بلوچستان جام کمال خان تون اوڑدہی کیک و داامور ءِ حتمی دروشم اس تننگک۔ بلوچستان زرکاری بورڈ انا چیف ایگزیکٹیو سعیداحمد سرپرہ اونا منت واری ءِ ہرفسا بلوچستان اٹی ساڑی زرکاری نا وارخواہی و حکومت نا کنڈآن تروک آ آسودہی تا بابت معلومدار کرے۔
