اسلام آباد۔ 17جون (اے پی پی) وزیر مملکت حوالکاری و شینکاری فرخ حبیب پارینے کہ بلاول صاحب، الس نا اصلیت ءِ جوان چاہسونے، بجٹ نا حساب وکتاب ءِ دروغ پاننگ نا شیوہ جوڑ مسنے، حکومت مالی سال 2021-22ء ٹی براہ راست پوسکن ءُ خراج خلتنے، الس ءِ ہروڑنا ریلیف فراوان کننگانے۔ پنچ شنبے نادے آ بلاول زرداری نا بیان آ تینا ردعمل اٹ وزیر مملکت فرخ حبیب پارے کہ اولیکو وار 40آن 60لکھ خاہوت ءِ تینا نت تیا سلفنگ کن 5لکھ روپئی نا بے سود آن وام تننگ انگ ءِ، دا گام آن کم و ود دونیم کروڑ مخلوق زرگزرانی وڑاٹ سوگو مریک۔ اوپارے کہ بلاول صاحب پائے کہ این ایف سی آن ملوک آ 1600ارب آن زیات نا فنڈ آتے ہراڑے کاریم اٹ اتنگا؟ اوپارے کہ حکومت ہلنگ نا وس اٹ ودکی کن بے مٹ گام گیج کرے داڑآن سالانہ فی کس کٹیا 186000آن 246000مسنے۔ اوپارے کہ کبینی نا واتوڑ کروک آ بلاول پائے سندھ انا الس ءِ کوڑی کروک و کبینی کروک آتا رحم وکرم آ انت اکن ہلانے؟ اوپارے کہ کراچی و سندھ انا الس ءِ کبینی کروک آتا دوتے اٹ اخس اٹ بہاکریس۔ اوپارے کہ جعلی اکاؤنٹ، منی لانڈرنگ و لٹ پل بلاول زرداری نا شناخت جوڑ مسنے۔
