اسلام آباد۔ 17جون (اے پی پی) چین پاکستان اقتصادی راہداری (سی پیک) نا ارٹ میکو رریسہ ٹی کشت وکشار و سائنس وٹیکنالوجی ہڑتوم آ بشخ آتے پبی اولیت تننگ انگ ءِ۔ پلاننگ کمیشن نا کمامدارآتارداٹ کشت وکشار و سائنس وٹیکنالوجی ہڑتوم آ بشخ آتے کن سی پیک فریم ورک نا رداٹ پوسکن آ اسیجائی ورکنگ پڑک اس جوڑ کننگانے۔ حکومت پاکستان سی پیک نا رداٹ کشت وکشار نا بشخ ءِ پوسکن آ رجحان تیان روشناس کرفنگ کن اولیتی بنداوتیا گام گیج کننگ ءِ، کشارگرآتا زند انا آب ءِ گچین کننگ و قومی زرگزران اٹ اونا مثبت اثرآتے ودفنگ کن خاص چکار کننگ ءِ انتئے کہ کشت وکشار قومی زرگزران آ اثرانداز مروک آ غٹ آن بھلا بشخ ءِ۔ کشت وکشار اٹی پیدواری لائخی ءِ ودفنگ کن تکنیکی شونداری بھاز المی ءِ۔ چین سی پیک نا ارٹ میکو ریسہ نا رداٹ کشت وکشار نا بشخ اٹی ٹیکنالوجی نا گدریفنگ آ امنا کرینے۔ سی پیک نا رداٹ ہڑتوم آ کنڈآتا کشاری کمکاری آن کرپاس نا پیدوار نا بابت امور ءِ ایسر کننگک و پاکستان اٹ کرپاس نا پیدوار اٹی ودکی مریک۔
