اسلام آباد۔ 16جون (اے پی پی) اسپیکر قومی اسمبلی اسد قیصر چارشنبے نادے آ قومی اسمبلی ٹی قائد حزب اختلاف شہباز شریف و پاکستان پیپلزپارٹی نا چیئرمین بلاول بھٹو زرداری تون ٹیل فون آ ہیت کرے۔ قومی اسمبلی سیکرٹریٹ نا رداٹ اسپیکر قومی اسمبلی اسد قیصر، شہباز شریف و بلاول بھٹو زرداری نا نیام اٹ بجٹ دیوان اٹی ایوان نا چاگڑد ءِ سازگار تخنگ آ گپ وتران کننگا۔ اسپیکر قومی اسمبلی پارے کہ تدوک آدے ایوان اٹ پیش بروک آ ناخوشگوار واقعہ است ہسونی نا سوب ءِ۔ ایوان نا چاگڑد ءِ خوشگوار تخنگ حکومت و اپوزیشن نا اسیجائی زمواری ءِ۔ اسپیکر پارے کہ غٹ پارلیمانی لیڈر بجٹ دیوان اٹی ایوان نا چاگڑد ءِ خوشگوار تخنگ کن تینا کڑد ءِ ادا کیر۔ اوپارے کہ تدوک آ دے دیوان اٹی ہڑدڑ و غیرپارلیمانی دُوی ءِ کاریم اٹ اتوک آ باسک آتیا اسمبلی دنگ اٹ پترینگ انگ آ پابندی خلنگانے۔ قائد حزب اختلاف شہباز شریف و بلاول بھٹو زرداری ئسک اسپیکر نا موقف آن امنا کریر و اودے چاگڑد ءِ پرامن تخنگ کن کمکاری نا باوری کرفیر۔
