اسلام آباد۔ 16جون (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ داتم اسکان کورونا ویکسین نا 1.2کروڑ خور تننگانے، داسہ ہم 20لکھ خور ساڑی ارے۔ داخیال آتا درشانی ءِ او میڈیا تون گپ وتران کرسا کرے۔ اوپارے کہ اسہ اِرادے اٹی تاثرتننگ انگ ءِ کہ ملک اٹ لگوک آ ویکسین اٹی کمتی ءِ، اِراہزار آن زیات سینٹر ءُ، ہراسینٹرآتے ٹی زیارت رش مریک ہموڑے ویکسین نا کمتی ءِ۔ اوپارے کہ مچ آ دنیا ٹی ویکسین نا کمتی ءِ وخت اس کہ نن ویکسین نا ودکی فراوانی ءِ پک کننگ اُن۔ ڈاکٹر فیصل سلطان پارے کہ داوختی گیپ ءِ ہرادے زوت مرکننگک۔ اوپارے کہ اسہ تاثراس داہم ارے کہ اولیکو و ارٹ میکو خوراٹی مسٹ آن چار ہفتہ نا وخت ءِ اگہ دا وقفہ شش آن ہفت ہفتہ غاتیان پدہم خلنگے تو اونا ہچ ءُ نسخان ا س اف۔ اوپارے کہ ایس او پی تیا عملدرآمد بھاز المی ءِ۔
