APP04-160621 ISLAMABAD:-June 16, 2021- Federal Minister for Education and Professional Training,Shafqat Mahmood presiding meeting with Pakistan Engineering Council, VCS of different universities and higher authorities of HEC Islamabad. APP

 

اسلام آباد۔ 16جون (اے پی پی) بنجائی وزیر تعلیم و کسبی تربیت شفقت محمود نا کماشی ٹی انجینئرنگ یونیورسٹی تیٹی طالب علم آتا داخلہ ءِ پک کننگ کن دیوان اٹی امنائی وڑاٹ پک مس کہ پاکستان نا غٹ طالب علم آک ہرافتا انٹرمیڈیٹ نا امتحان مسنے یا مننگ والا ءِ، اوغٹ ءِ ای کیٹ امتحان/انجینئرنگ نا امتحان اٹ تولنگ نا موکل مریک۔ چارشنبے نادے آ شفقت محمود نا کماشی ٹی دیوان اٹی پاکستان انجینئرنگ کونسل، انجینئرنگ یونیورسٹی تا وائس چانسلرز و ایچ ای سی نا بڑزکو عہدیدارآک ساڑی ئسر۔ کوویڈ۔ 19نا سوب آن تعلیمی سال و امتحان تا موخر مننگ نا سوب آن انجینئرنگ یونیورسٹی تیٹی وخت آ داخلہ ءِ پک کننگ و طالب علم آتا سال ءِ زیان مننگ آن بچفنگ کن سلابتی دیوان اٹی چندی آپشن تیا سرجمی اٹ گپ وتران کننگا۔ دیوان اٹی امنائی وڑاٹ پک مس کہ پاکستان نا غٹ طالب علم آک ہرافتا انٹرمیڈیٹ نا امتحان مسنے یا مننگ والا ءِ، اوغٹ ءِ ای کیٹ امتحان /انجینئرنگ نا امتحان اٹ تولنگ نا موکل مریک۔ دیوان اٹ داہیت ءِ ہم پک کننگاکہ کیمبرج نا A2نا طالب علم ہرافتا رزلٹ جنوری ٹی گمانی ءِ،ءِ ہم امتحان آتے ٹی تولنگ نا موکل مریک و یونیورسٹیک اوفتے ایڈمیشن ایترہ ہراکہ اوفتا فائنل امتحان و رزلٹ تون گنڈوک مریک پس اسہ اسٹوڈنٹ اسے ہم انجینئرنگ نا امتحان تیٹی تولنگ آن توننگ مفک۔ بنجائی وزیر تعلیم شفقت محمود ایچ ای سی نا سلابت اٹ انجینئرنگ یونیورسٹیز و تعلقدار اتھارٹی تا دافیصلہ نا ستاءِ کرسا پارے کہ طالب علم آک و تعلیمی ادارہ غاتے کن اینخو سال بھلو نوعیت نا سال اسے، ہراٹی ننے بھلو فیصلہ ہلوئی تمانے۔ پاکستان انجینئرنگ کونسل و تعلقدار اتھارٹی تا بنجائی و صوبائی حکومت آتا ڈائریکشن آ طالب علم آتے ہندن ءُ آسراتی تننگ ہراٹی اسہ طالب علم اسے نا ہم سال زیان مف ستاکڑزوک ءُ عمل اسے۔

متعلقہ مضامینمصنف کی طرف سے مزید