الجبرا، ریاضی و ایلوسائنسی سرحال آتا بنداو ءِ مسلم سائنسدانک تخار، بنجائی وزیر سائنس و ٹیکنالوجی شبلی فراز اسلام آباد۔ 16جون (اے پی پی) بنجائی وزیر سائنس و ٹیکنالوجی سینیٹر شبلی فراز پارینے کہ الجبرا، ریاضی و ایلو سائنسی سرحال آتا بنداو ءِ مسلم سائنسدانک تخار، نن سائنس نا پڑاٹ گوہوک آ ہند ءِ دوئی کننگ کن کوشست کننگ ءُ، ساڑی حکومت ورناسائنسدان تے ہروڑنا آسراتی فراوان کننگ ءِ، نن سائنس و ٹیکنالوجی نا بجٹ ءِ اِراہنداخہ کرینن، اپوزیشن پارلیمنٹ و ملکی کہول آ منفی کڑد اداکننگ ءِ، نن اپلائیڈ ریسرچ نا کنڈآ کانہ۔ چارشنبے نادے آ پاکستان سائنس فاؤنڈیشن اٹ دود آن تران کرسا بنجائی وزیر پارے کہ ساڑی آ ملکی اقتصادی شونداری کن سائنس و ٹیکنالوجی آ زیات چکار کننگ اُن، نن ساڑی گری بجٹ اٹ سائنس و ٹیکنالوجی نا فنڈاٹ اِراہنداخہ ودکی کرینن۔ پاکستان سائنس فاؤنڈیشن نا پروگروم آن ٹیلنٹ مون آ برسا مون آ بسنے۔ اوپارے کہ پاکستان سائنس فاؤنڈیشن ورناسائنسدان تے پٹ وپول کن مچ آ ملک اٹی ساڑی لیبارٹری تسکان اسہ وڑرسینگ کن ڈٹ بندی کننگ ءِ۔ بنجائی وزیر جہانی کہول آ تینا لائخی تے منفوک آ ورناپاکستانی سائنسدان تا کوشست آتا ستاءِ کرسا پارے کہ داچناک محرومی تے وارخواہی تیٹی بدل کرسا نشان تسر، اہم گڑاسوج کننگ ءِ، سوج کننگ آن انسان مونی کاہک۔ ریاضی، الجبرانا بنداو ءِ نن تخان ولدا نن پدی سلیسون۔ بنجائی وزیر ورناچین آ زور شاغاکہ او پٹ وپول آ زیات چکار کیر و گڑاتا تہہ اسکان کار۔

الجبرا، ریاضی و ایلوسائنسی سرحال آتا بنداو ءِ مسلم سائنسدانک تخار، بنجائی وزیر سائنس و ٹیکنالوجی شبلی فراز

اسلام آباد۔ 16جون (اے پی پی) بنجائی وزیر سائنس و ٹیکنالوجی سینیٹر شبلی فراز پارینے کہ الجبرا، ریاضی و ایلو سائنسی سرحال آتا بنداو ءِ مسلم سائنسدانک تخار، نن سائنس نا پڑاٹ گوہوک آ ہند ءِ دوئی کننگ کن کوشست کننگ ءُ، ساڑی حکومت ورناسائنسدان تے ہروڑنا آسراتی فراوان کننگ ءِ، نن سائنس و ٹیکنالوجی نا بجٹ ءِ اِراہنداخہ کرینن، اپوزیشن پارلیمنٹ و ملکی کہول آ منفی کڑد اداکننگ ءِ، نن اپلائیڈ ریسرچ نا کنڈآ کانہ۔ چارشنبے نادے آ پاکستان سائنس فاؤنڈیشن اٹ دود آن تران کرسا بنجائی وزیر پارے کہ ساڑی آ ملکی اقتصادی شونداری کن سائنس و ٹیکنالوجی آ زیات چکار کننگ اُن، نن ساڑی گری بجٹ اٹ سائنس و ٹیکنالوجی نا فنڈاٹ اِراہنداخہ ودکی کرینن۔ پاکستان سائنس فاؤنڈیشن نا پروگروم آن ٹیلنٹ مون آ برسا مون آ بسنے۔ اوپارے کہ پاکستان سائنس فاؤنڈیشن ورناسائنسدان تے پٹ وپول کن مچ آ ملک اٹی ساڑی لیبارٹری تسکان اسہ وڑرسینگ کن ڈٹ بندی کننگ ءِ۔ بنجائی وزیر جہانی کہول آ تینا لائخی تے منفوک آ ورناپاکستانی سائنسدان تا کوشست آتا ستاءِ کرسا پارے کہ داچناک محرومی تے وارخواہی تیٹی بدل کرسا نشان تسر، اہم گڑاسوج کننگ ءِ، سوج کننگ آن انسان مونی کاہک۔ ریاضی، الجبرانا بنداو ءِ نن تخان ولدا نن پدی سلیسون۔ بنجائی وزیر ورناچین آ زور شاغاکہ او پٹ وپول آ زیات چکار کیر و گڑاتا تہہ اسکان کار۔