اسلام آباد۔ 16جون (اے پی پی) اسپیکر قومی اسمبلی اسد قیصر ایوان اٹ ہڑدڑ و غیرپارلیمانی زبان نا کاریم اٹ اتوک آ پی ٹی آئی، مسلم لیگ(ن) و پیپلزپارٹی نا باسک آتیا ایوان اٹ پترینگ انگ آ برپرمان اسکان پابندی خلکونے۔ قومی اسمبلی سیکرٹریٹ نا رداٹ داکارروائی اسپیکر قومی اسمبلی نا کنڈآن ایوان اٹ نازیبا لوز آتا کاریم اٹ اتنگ آ کننگانے۔ داپابندی بروک آ پرمان تسکان برجاسلک۔ اسپیکر دا کارروائی ءِ قومی اسمبلی نا قاعدہ و ضابطہ نا رداٹ دوئی واکداری تے کاریم اٹ اتسا خلکونے۔ ہراباسک آتیا پابندی خلنگانے اوفتے ٹی علی نواز اعوان، عبدالمجید خان، فہیم خان، شیخ روحیل اصغر، علی گوہر خان، چوہدری حامد حمید و آغارفیع اللہ اوار ءُ۔ قومی اسمبلی سیکرٹریٹ نا کنڈآن داچرجوئی ٹی تعلقدارباسک و اسمبلی سیکورٹی ءِ پرمان جاری کننگانے۔
